რატომ უნდა ვატაროთ "უსაფრთხო ქუსლიანი" ფეხსაცმელი
უსაფრთხოდ ითვლება 5 სმ-მდე ზომის ქუსლი, ოპტიმალურად - 3 სმ. ქუსლი, რაც უფრო მაღალია, ესთეტიკურად ლამაზია, მაგრამ სახიფათო და მავნეა.
არაა სასურველი ნაადრევად მაღალი ქუსლების "გაცნობა". მოზარდ გოგონას სურს, ლამაზად გამოიყურებოდეს, მაგრამ ჩონჩხი და მთლიანად ორგანიზმი ჯერ კიდევ ბოლომდე ფორმირებული არაა. არასწორად შერჩეულმა ფეხსაცმელმა შეიძლება გამოიწვიოს ხერხემლის დეფორმაცია და სხვა პათოლოგიები.
შედარებით უფროსმა ქალბატონებმა არ უნდა დაივიწყონ ვარიკოზი. შეშუპება, ტერფებში ცვლითი პროცესების დარღვევა, კანჭის კუნთების კრუნჩხვა- წარმოადგენს არასწორად შერჩეული ფეხსაცმლის პირდაპირ შედეგს. მაღალქუსილიანი ფეხსაცმლის ტარებისას მთელი დატვირთვა მოდის ფეხის თითებსა და კოჭ-წვივის სახსარზე. ზიანდება მყესები. ერთერთი ყველაზე გავრცელებული პრობლემაა ფეხის დიდი თითის სახსრის დეფორმაცია Hallux Valgus. სხეულის ძირითადი მასა გადადის ტერფის წინა ნაწილზე, რის გამოც იგი იწყებს დამატებითი საყრდენი ზედაპირის ფორმირებას. ასეთ საყრდენად იქცევა გამრუდებული თითი და არაესთეტიკური კორძი.
ფეხსაცმელზე ქუსლი არათანაბრად ცვდება, ეს განგაშის სიგნალია. ფეხსაცმელი შეიძინეთ დღის მეორე ნახევარში, როდესაც ფეხი ნახევარ ზომით მეტია, ვიდრე დღის პირველ ნახევარში. ყველაზე მოხერხებული მაღალქუსლიანი ფეხსაცმელიც კი 2 საათზე მეტ ხანს არ ატაროთ.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი