აეროპორტის სტილის გზამკვლევი სელებრითებისგან
მოგზაურობისგან მიღებულ სიამოვნებას, ახალი ქვეყნის, კულტურის ხალხისა და საკუთარი თავის ახლებურად აღმოჩენას რომ ამქვეყნად ცოტა რამ შეედრება ეს თავადაც მოგეხსენებათ, თუმცა ყოველ მოგზაურობას თან რამდენიმესაათიანი ფრენა ახლავს, რომელიც ხშირად მოუხერხებელ სავარძლებზე არაკომფორტულად ჯდომას, ტემპერატურის რადიკალურ ცვლილებასა და ჩაწითლებულ თვალებთან ასოცირდება.
კომფორტული მოგზაურობის საიდუმლო ფორმულა არ არსებობს, თუმცა არსებობს მეტად მოსახერხებელი ჩაცმულობა, რომელიც თვითმფრინავში ყოფნის საათებს გაგვიმარტივებს.
კომფორტული მოსაცმელი
თავისუფალი სტილის, ჯიბეებიანი მოსაცმელი მოგზაურობისას თქვენი საყვარელი თანამგზავრი გახდება. ჯიბეები საშუალებას მოგცემთ თქვენთვის საჭირო ნივთები, პასპორტი და საბუთები ყოველთვის თან იქონიოთ, თბილი ნაჭრის შერჩევის შემთხვევაში კი მას პლედადაც გამოიყენებთ.
კომფორტული შარვალი
პაპარაცული ფოტოებიდანაც ნათელია, რომ ცნობილი ადამიანები ყველაზე ხშირად ჯინსის და სპორტული შარვლებით მოგზაურობენ. სწორად შერჩეული, თქვენთვის კომფორტული შარვალი მოგზაურობის პროცესს გაგიადვილებთ და ამავდროულად საშუალებას მოგცემთ მოდურადაც გამოიყურებოდეთ.
მუქი ფერის სათვალე
თუ კი ხანგრძლივი ფრენის შემდეგ, ჩაწითლებული თვალები თქვენც გაწუხებთ, სასურველია მუქი ფერის სათვალე ყოველთვის თან ატაროთ.
შარფი
დიდი ზომის მოსაცმელის მსგავსად, შარფსაც შეუძლია პლედის ფუნქცია შეითავსოს და თვითმფრინავში ტემპერატურის ვარდნისას დაგიცვათ.
კომფორტული ფეხსაცმელი
არაფერი მოგგვრით ფრენის დროს კომფორტულ ფეხსაცმელზე მეტ შვებას. ჩაიცვით თქვენთვის მოსახერხებელი კეტები, სანდლები თუ ჩექმები და იფრინეთ მშვიდად.
სიახლეები
- თბილისში, საბურთალოზე ორმა ახალგაზრდამ ერთმანეთი ცივი იარაღით დაჭრა
- “მადლობა რასა იუკნევიჩიანესა და ყველა ევროპარლამენტარს, რეზოლუცია უკვე მერამდენედ, ხაზგასმით მოითხოვს ჩემს გათავისუფლებასა და უცხოეთში გადაყვანას” - მიხეილ სააკაშვილი
- “ისინი ჩართულები იყვნენ რევოლუციურ სცენარში და მცდელობები ჰქონდათ, ქვეყანაში მოეწყოთ სახელმწიფო გადატრიალება” - კახა კალაძე ენჯეოებზე
- “სალომე ზურაბიშვილს გაუვიდა ყველანაირი ვადა და დადის დროშით, იძახის, პრეზიდენტი ვარო” - პაპუაშვილი
- “ჯერ გავიგოთ, აღიარებს თუ არა რადიკალური ოპოზიცია და საერთაშორისო სუბიექტები ეუთი/ოდირის შარშანდელ დასკვნას და ამის შემდეგ შეიძლება ვიმსჯელოთ ეუთო/ოდირის მოწვევასთან დაკავშირებით” - ირაკლი კობახიძე