2019 წლის ყველაზე მაღალშემოსავლიანი ქალი მსახიობების სია კი ასეთია:

10) ელენ პომპეო - 22 მილიონი დოლარი

ელენ პომპეო 2005 წლიდან მსოფლიოს ერთ-ერთი ყველაზე პოპულარული სერიალის Grey's Anatomy მთავარი როლის შემსრულებელია და მიუხედავად იმისა, რომ სხვა მასშტაბურ პროექტებში მსახიობს იშვიათად ვხედავთ, ის ყველაზე მაღალშემოსავლიანი ქალი მსახიობების სიაში მაინც მოხვდა. 

9) შარლიზ თერონი - 23 მილიონი დოლარი

სულ უფრო და უფრო იშვიათად გამოდის ფილმები, რომლებშიც თერონი მთავარ როლს ასრულებს, თუმცა მსახიობმა პროდიუსერობაც დაიწყო და მისი წლიური შემოსავალი არ შემცირებულა. წელს თერონი სურათში Bombshell მონაწილეობს და ასევე ანიმაციური ფილმის "The Addams Family" პერსონაჟს ახმოვანებდა. 

8) მარგო რობი - 23,5 მილიონი დოლარი

მარგო რობიმ წელს  მონაწილეობა ბევრ პროექტში მიიღო( Bombshell, Once upon a Time In Hollywood, Birds of Prey: And the Fantabulous Emancipation of One Harley Quinn) და შრომაც სათანადოდ დაუფასდა. 

7) ელიზაბეთ მოსი - 24 მილიონი დოლარი

ელიზაბეთ მოსი სერიალის The Handmaid's Tale წყალობით პოპულარულ მსახიობად იქცა და ჰოლივუდშიც სულ უფრო და უფრო მეტ პროექტში პატიჟებენ. წელს მსახიობმა 24 მილიონი დოლარი გამოიმუშავა. 

6) კეილი კუოკო - 25 მილიონი დოლარი

სერიალის Big Bang Theory ვარსკვლავი ერთ დროს, ამავე სიის მეორე ადგილზე იმყოფებოდა, თუმცა წელს, როდესაც შოუ დასრულდა მსახიობმა სიის მეექვსე ადგილზე გადაინაცვლა. 

5) ჯენიფერ ენისტონი - 28 მილიონი დოლარი

წელს ენისტონი სიის მეხუთე ადგილას აღმოჩნდა. მსახიობმა მონაწილეობა Netflix-ისა და Apple TV+ -ის პროექტებში მიიღო და 28 მილიონი დოლარი გამოიმუშავა. ასევე, უნდა აღინიშნოს ისიც, რომ ენისტონი წელს Instagram-ზე დარეგისტრირდა და გამომწერების რაოდენობით გინესის რეკორდების წიგნში მოხვდა. 

4) ნიკოლ კიდმანი - 34 მილიონი დოლარი

ნიკოლ კიდმანი წელს (ისევე როგორც სხვა დროს) ბევრ პროექტში გამოჩნდა, მათ შორის სერიალის Big Little Lies მეორე სეზონში და ფილმში Bombshell. 2019 წელს მსახიობის შემოსავალი 34 მილიონ დოლარს შეადგენს. 

3) რიზ უიზერსპუნი - 35 მილიონი დოლარი

რიზ უიზერსპუნმა, რომელიც კიდმანთანთან ერთად სერიალში Big Little Lies ერთ-ერთ მთავარ როლს ასრულებს, მას 1 მილიონი დოლარით გადაასწრო. უიზერსპუნის კიდევ ერთი დიდი პროექტი წელს Apple+ -ის Morning Show იყო. 

2) სოფია ვერგარა - 44,1 მილიონი დოლარი

სოფია ვერგარა, რომელიც ყველაზე მაღალშემოსავლიანი ქალი მსახიობების ათეულში ბევრი წლის განმავლობაში შედიოდა, შარშან ამ სიაში ვერ მოხვდა, თუმცა წელს მრავალი სატელევიზიო შოუს წყალობით, ის მეორე ადგილას, 44,1 დოლარით აღმოჩნდა. 

1) სკარლეტ იოჰანსონი - 56 მილიონი დოლარი

სკარლეტ იოჰანსონი ყველაზე მაღალშემოსავლიანი ქალი მსახიობების სიაში მეორე წელია რაც პირველ ადგილს იკავებს. წელს მისი წლიური ჰონორარი 56 მილიონი დოლარია, შარშან - 40,5 მილიონ დოლარს შეადგენდა. 

http://www.tabula.ge/