საქართველოს საზღვარი კიდევ ერთმა ქვეყანამ გაუხსნა
დანიის საკოორდინაციო საბჭოს გადაწყვეტილებით, ქვეყანა საქართველოს მოქალაქეებისთვის საზღვრებს ხსნის.
ინფორმაციას დანიის საგარეო საქმეთა სამინისტრო ავრცელებს. საზღვარი საქართველოს მოქალაქეებისთვის 18 ივლისიდან გაიხსნება.
როგორც ვებგვერდზე გამოქვეყნებულ განცხადებაშია აღნიშნული, ქვეყნის საგარეო საქმეთა, ჯანდაცვისა და იუსტიციის სამინისტრომ ორი კვირის თავზე გადახედეს ევროკავშირის საბჭოს მიერ რეკომენდებული „მწვანე ქვეყნების” სიას და მიიღეს გადაწყვეტილება, საზღვრები გაუხსნან აღნიშნულ სიაში არსებულ კიდევ რამდენიმე ქვეყანას, კერძოდ, საქართველოს, ტუნისსა და ურუგვაის.
ამასთან, დანიის საგარეო საქმეთა სამინისტრო აღნიშნავს, რომ ურუგვაისა და საქართველოში დანიის მოქალაქეებისთვის მოქმედებს სამგზავრო შეზღუდვები და კარანტინის მოთხოვნა, ამიტომ აღნიშნულ ორ ქვეყანაში გამგზავრება განსაკუთრებული აუცილებლობის გარეშე რეკომენდებული კვლავ არ არის. ანალოგიური რეკომენდაცია მოქმედებს ექვს ქვეყანასთან მიმართებაშიც, რომლებსაც დანიამ საზღვარი მიმდინარე თვის დასაწყისში გაუხსნა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე