''უკრაინაში პარლამენტის დელეგაცია პარასკევს ან შაბათს მიემგზავრება'' - დავით სერგეენკო
საქართველოს პარლამენტის ვიცე - სპიკერი დავით სერგეენკო აცხადებს, რომ უკრაინაში საპარალმენტო დელეგაციის ვიზიტი მიმდინარე კვირაში, პარასკევს ან შაბათს შედგება და თუ ვინ იქნება დელეგაციის ხელმძღვანელი "დღეს-ხვალ რეჟიმში" გადაწყდება.
ამის შესახებ სერგეენკომ უკრაინაში ვიზიტის თაობაზე ოპოზიციასა და უმრავლესობას შორის გამართული კონსულტაციების შემდეგ განაცხადა.
დავით სერგეენკოს თქმით, დელეგაციის ხელმძღვანელი პარლამენტის თავმჯდომარე ან ვიცე-სპიკერი იქნება, თუმცა კონკრეტულად ვინ, ამაზე კონსულტაციები მიმდინარეობს.
სერგეენკოს განცხადებით, "ალბათ, მალე იქნება პოზიტიური და ღირსეული გადაწყვეტილება".
"შემიძლია ცალსახად გითხრათ, გადაწყვეტილება მიღებულია, რომ პარლამენტის დელეგაცია მიემგზავრება უკრაინაში ამ კვირის ბოლოს, პარასკევს ან შაბათს. ვადები დამოკიდებულია, რა თქმა უნდა, გარკვეულ პროტოკოლურ ნაწილთან.
დელეგაციის შემადგენლობას რაც შეეხება, პარლამენტის თავმჯდომარე ან პარლამენტის ვიცე-სპიკერი იქნება ხელმძღვანელი, ვინ იქნება კონკრეტულად, შალვა პაპუაშვილი თუ რომელიმე ვიცე-სპიკერი, ეს გაირკვევა პრაქტიკულად დღეს ხვალ რეჟიმში, რადგან მიდის კონსულტაცია კოლეგა უწყებებს შორის. დელეგაცია აუცილებლად გაემგზავრება. მიდის კონსულტაციები და ალბათ, მალე იქნება პოზიტიური და ღირსეული გადაწყვეტილება მიღებული", - განაცხადა სერგეენკომ.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
