ყოფილი პრეზიდენტის განმარტებით, მთელი ევროპა უკრაინასთანაა და მხარს უჭერს, ყველა გაერთიანებული და სოლიდარულია უკრაინის მიმართ.

„უკრაინას ნამდვილად სჭირდება იარაღი, იარაღი და კვლავ იარაღი. პირველ რიგში, გვჭირდება მაგალითად: 500 ტანკი, 300 სპეციალური რაკეტის გამშვები სისტემა, 100 რეაქტიული თვითმფრინავი. ეს ჩვენს გმირებს, მეომრებს მნიშვნელოვან საშუალებას მისცემს. აქ, ჩვენს მიწა-წყალზე სულ არ გვჭირდება ნატო-ს ჯარისკაცები. არა, ჩვენ ჩვენით მოვერევით ამ ყველაფერს, შეგიძლიათ წარმოიდგინოთ,რომ იარაღის ამ რაოდენობით ნამდვილად ჩვენ გავიმარჯვებთ მომავალში“, - აცხადებს პოროშენკო.

როგორც მან აღნიშნა, იარაღის მოწოდების გარდა მნიშვნელოვანია, რუსეთს დაეკისროს ემბარგო, სანქციები.

„საკმარისი არ არის გაზსა და ნავთობზე დავაწესოთ ემბარგო. ჩვენ არ უნდა მივცეთ რუსეთს საშუალება, რომ თავისი ნაწარმი, ნედლეული ცივილიზებულ სამყაროს მიჰყიდო და ამის წყალობით უკრაინას ბომბები დაუშინოს. შესაბამისად, ჩვენ უნდა შევაჩეროთ რუსეთის კომერციული ოპერაციები. რუსეთი ექსპორტი და იმპორტი მაქსიმალურად უნდა შეიზღუდოს. მესამე მომენტი გახლავთ პუტინის იზოლირება, რუსეთის დეპუტინიზაცია, ევროპისა და მსოფლიოს დეპუტინიზაცია. დარწმუნებული ვარ, რომ ნატო-ს, ევროპის და მსოფლიო პარტნიორებთან ერთად მხარდამხარ ვიდგებით“, - განაცხადა პოროშენკომ.

ამასთან, ყოფილმა პრეზიდენტმა „ლენდლიზის კანონის“ ამოქმედების საჭიროებას გაუსვა ხაზი, „როგორც ეს მეორე მსოფლიო ომის დროს მოქმედებდა“.