ვოლოდიმირ ზელენსკი ევროკავშირს რუსეთის მოქალაქეებისთვის სავიზო შეზღუდვების დაწესებისკენ მოუწოდებს

უკრაინის პრეზიდენტი ვოლოდიმირ ზელენსკი ევროკავშირს მოუწოდებს, რუსეთის მოქალაქეებს სავიზო შეზღუდვები დაუწესოს.

„იმ ყველაფრის შემდეგ, რაც ოკუპანტებმა უკრაინაში ჩაიდინეს, რუსეთთან შეიძლება, არსებობდეს მხოლოდ ერთი მიდგომა – როგორც ტერორისტ სახელმწიფოსთან. სწორედ ამ გადმოსახედიდან უნდა შევხედოთ რუსეთის მოქალაქეებთან მიდგომას. მადლიერი ვარ ჩეხეთის, ბალტიის ქვეყნების და სხვა ქვეყნების, რომლებმაც წამოიწყეს დისკუსია ტერორისტი სახელმწიფოს მოქალაქეებისთვის სავიზო რეჟიმის დაწესებაზე. უპირველეს ყოვლისა, უნდა არსებობდეს გარანტიები, რომ რუსი მკვლელები, სახელმწიფო ტერორის ხელმძღვანელები არ ისარგებლებენ შენგენით. არ შეიძლება ევროპის იდეის დანგრევა, ჩვენი საერთო ევროპული ღირებულებების. არ შეიძლება, ევროპა გადაიქცეს სუპერმარკეტად, რომლისთვისაც სულ ერთია, ვინ შედის, მთავარია ადამიანმა გადაიხადოს ნავაჭრი. ამიტომ, რუსეთის მოქალაქეებისთვის სავიზო რეჟიმის დაწესება სამართლიანია“, – განაცხადა ზელენსკიმ.

 

უკრაინის პრეზიდენტის თქმით, რუსეთში არიან ადამიანები, რომლებსაც დევნის გამო სჭირდებათ საზღვრებს მიღმა მხარდაჭერა დევნის.

 

„მათ უნდა მიიღონ ცივილიზებული მსოფლიოსგან დახმარება. ამისთვის არსებობს იურიდიული ნორმები, თავშესაფარი და სხვა გზები, მაგრამ ეს მათთვის, ვინც იბრძვის, ვისაც დევნიან. ეს არ უნდა ეხებოდეს რუსების დასვენებას ევროპაში. ტერორისტ სახელმწიფოსთან მუშაობა არ შეიძლება“, – განაცხადა უკრაინის პრეზიდენტმა.

 
წაკითხვა 78 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.