''ყოველი თვე 2024 წლამდე ქვეყნისთვის საზიანოა ამ ხელისუფლების პირობებში - პარტიებმა უნდა მოითხოვონ ვადამდელი არჩევნები'' - ლევან ბეჟაშვილი
“ნაციონალური მოძრაობის” ერთ-ერთი ლიდერის, ლევან ბეჟაშვილის განცხადებით, მაშინ, როდესაც “ქართული ოცნება” ანტიდასავლურ კამპანიას აწარმოებს, პოლიტიკური პარტიები არჩევნების კონსტიტუციურ ვადას ვერ დაელოდებიან და ამიტომ, “ვადამდელი არჩევნები უნდა მოითხოვონ”.
მისი თქმით, ახლა “ქართულ ოცნებას” ხალხისგან ლეგიტიმაცია აქვს დაკარგული.
“ქვეყანაში არის სერიოზული ეკონომიკური და პოლიტიკური კრიზისი, მძიმე სოციალური ვითარება. შესაბამისად, ნებისმიერი თვე, 2024 წლამდე ქვეყნისთვის საზიანოა ამ ხელისუფლების პირობებში. მაშინ, როდესაც “ქართული ოცნება” აწარმოებს ანტიდასავლურ კამპანიას და დღითიდღე გვაშორებს დასავლურ სამყაროს, საზოგადოებას და პოლიტიკურ პარტიებს არ აქვთ ფუფუნება, რომ დაელოდონ ხელისუფლების შეცვლის კონსტიტუციურ ვადებს. უნდა მოვითხოვოთ ვადამდელი საპარლამენტო არჩევნები თუ გვინდა, რომ ქვეყანამ ახალი ათვლის წერტილი იპოვოს თავის განვითარებაში”, - განაცხადა ლევან ბეჟაშვილმა.
ცნობისთვის, „ნაციონალური მოძრაობის“ თავმჯდომარემ ნიკა მელიამ ბრიფინგი გამართა, სადაც განაცხადა, რომ საქართველოში ვადამდელი არჩევნები უნდა ჩაინიშნოს. მისივე თქმით, საქართველოში ვადამდელი არჩევნების დანიშვნის მისაღწევად მრავალფეროვანი პოლიტიკური აქტივობები და სხვადასხვა სახისა და ფორმის საპროტესტო ღონისძიებები განხორციელდება. ამასთან, გაიმართება მოსახლეობასთან და საერთაშორისო პარტნიორებთან აქტიურ რეჟიმში კომუნიკაცია.
სიახლეები
- ,,არავითარი მნიშვნელობა ამ რადიკალური ჯგუფების პარლამენტში ყოფნას არ აქვს"- შალვა პაპუაშვილი
- ,,პარლამენტი პრეზიდენტის არჩევის თარიღს ხვალ ჩანიშნავს” – შალვა პაპუაშვილი
- ,,დღეს ყველა ყველაფერს გაიგებთ, როგორც კომიტეტების შემადგენლობას, ისე – სხვა საპარლამენტო თანამდებობებს” – შალვა პაპუაშვილი
- ,,ჩემთვის ძალიან დიდი პასუხისმგებლობაა, ვუხელმძღვანელო საგარეო მიმართულებას” – მაკა ბოჭორიშვილი
- ,,დიდი მადლობა ბატონ პრემიერს განსაკუთრებული ნდობის გამოცხადებისთვის" – ანრი ოხანაშვილი
