მედიის ცნობით, ყირგიზეთისა და ტაჯიკეთის საზღვარზე შეტაკებების შედეგად დაჭრილი 11 ადამიანი საავადმყოფოშია გადაყვანილი
ყირგიზეთისა და ტაჯიკეთის საზღვარზე შეტაკებების შედეგად დაჭრილი 11 ადამიანი საავადმყოფოშია გადაყვანილი.
ამის შესახებ „რადიო თავისუფლების“ ადგილობრივ ბიუროს ყირგიზეთის თავდაცვის სამინისტროში განუცხადეს. უწყებაში დაადასტურეს, რომ ადგილზე ჯანდაცვის სამსახურები გაძლიერებულ რეჟიმში მუშაობენ.
ყირგიზეთის სასაზღვრო სამსახურის ინფორმაციით, ადგილობრივი დროით დილით 11:00 საათის მონაცემებით, ტაჯიკეთის საზღვრისპირა რაიონებში შეტაკებების ინტენსივობამ იკლო, თუმცა ვითარება დაძაბული რჩება.
გავრცელებული ცნობით, ორი ქვეყნის წარმომადგენლები ცეცხლის შეწყვეტის შესახებ მოლაპარაკებებს მართავენ.
ყირგიზეთისა და ტაჯიკეთის საზღვარზე შეტაკებები დღეს დილიდან მიმდინარეობს. მხარეები სიტუაციის ესკალაციაში ერთმანეთს ადანაშაულებენ.
ბოლო ერთ კვირაში ეს უკვე მეორე შემთხვევაა, როდესაც ყირგიზეთისა და ტაჯიკეთის საზღვარზე სიტუაცია იძაბება. ბოლოს მსგავსი ინციდენტი 14 სექტემბერს მოხდა.
სიახლეები
- ,,არავითარი მნიშვნელობა ამ რადიკალური ჯგუფების პარლამენტში ყოფნას არ აქვს"- შალვა პაპუაშვილი
- ,,პარლამენტი პრეზიდენტის არჩევის თარიღს ხვალ ჩანიშნავს” – შალვა პაპუაშვილი
- ,,დღეს ყველა ყველაფერს გაიგებთ, როგორც კომიტეტების შემადგენლობას, ისე – სხვა საპარლამენტო თანამდებობებს” – შალვა პაპუაშვილი
- ,,ჩემთვის ძალიან დიდი პასუხისმგებლობაა, ვუხელმძღვანელო საგარეო მიმართულებას” – მაკა ბოჭორიშვილი
- ,,დიდი მადლობა ბატონ პრემიერს განსაკუთრებული ნდობის გამოცხადებისთვის" – ანრი ოხანაშვილი
