„ბიძინა ივანიშვილისგან ელიან რაღაცას და იმის გამო, რომ ამ რაღაცას არ აკეთებს, არ ბრუნდება თავისი ნების წინააღმდეგ პოლიტიკაში რაღაცის გასაკეთებლად, ამის გამო ხორციელდება მასზე შანტაჟი არაფორმალური მეთოდებით, რაც გამოიხატება ერთგვარი არაფორმალური სანქციების მოქმედებით. გაჩერებული აქვს თანხები შვეიცარიაში. როცა მოდის მერე მუქარა, გამოვიდნენ და კაცურად დააწესონ ეს სანქციები, პირდაპირ თქვან, საზოგადოებაც უფრო კარგად გაიგებს ამ შემთხვევაში, რას ითხოვენ ეს ადამიანები ბიძინა ივანიშვილისგან“, – განაცხადა ირაკლი კობახიძემ 19 ნოემბერს საქართველოს პირველი არხის ეთერში სტუმრობისას.

„ქართული ოცნების“ თავმჯდომარის თქმით, ბიძინა ივანიშვილს სანქციებით ემუქრებიან როგორც უკრაინის ხელისუფლების მაღალჩინოსნები, ასევე EPP - ევროპის სახალხო პარტია და ევროპარლამენტის წევრები, შანტაჟი კი ემსახურება მეორე ფრონტის გახსნას, რასაც, კობახიძის თქმით, არ მალავენ უკრაინის ხელისუფლების წარმომადგენლებმა.

„როცა რაღაც გინდა, ასე ირიბად კი არ უნდა წახვიდე შანტაჟზე, პირდაპირ გამოდი და თქვი, რა გინდა. მათ შორის, გამოიყენე შესაბამისი მეთოდები. მთავარი რა არის: როცა სანქცია უკვე დაწესებული გაქვს, შანტაჟი ძალას კარგავს. სასჯელი თუ უკვე აღასრულე, რაღა აზრი აქვს შანტაჟს? ანუ, შანტაჟი ეფექტურია მაშინ, როდესაც ემუქრები ადამიანს სასჯელით. სასჯელი უკვე თუ დააწესე, შანტაჟი არაეფექტური ხდება, ამიტომ ემუქრებიან მუდმივად ბიძინა ივანიშვილს, რომ მთავარი ამოცანა არის შანტაჟი. უკრაინის ხელისუფლების მაღალჩინოსნებმა პირდაპირ თქვეს, რაც არის ამ შანტაჟის მიზანი. ერთი ხელით თქვეს, რომ მუშაობენ სანქციების დაწესებაზე და მეორე ხელით, იქვე მოითხოვეს მეორე ფრონტის გახსნა“, - განაცხადა ირაკლი კობახიძემ.