„კრემლში ადამიანებმა პირველად აღიქვეს რეალობა იმასთან დაკავშირებით, რომ შესაძლოა, ისინი საპატიმროში აღმოჩნდნენ“

„კრემლში ადამიანებმა პირველად აღიქვეს რეალობა იმასთან დაკავშირებით, რომ შესაძლოა, ისინი საპატიმროში აღმოჩნდნენ“, - ამის შესახებ თავდაცვის ექსმინისტრმა და არასამთავრობო ორგანიზაცია „სამოქალაქო იდეის“ თავმჯდომარემ თინა ხიდაშელმა განაცხადა.

მისი თქმით, პუტინის მსგავსად, რუსეთის სხვა თანამდებობის პირებზე უნდა გაიცეს დაკავების ბრძანებები.

 

„თუ ეს ბრძანებები გავრცელდება, მაგალითად, საგარეო საქმეთა მინისტრზე ან იმ ადამიანებზე, რომლებიც პერიოდულად სხვადასხვა ქვეყანაში ჩნდებიან ხოლმე, კი ბატონო, მაშინ, რა თქმა უნდა, ჩვენ შეიძლება ეფექტურადაც ვიხილოთ ეს დაპატიმრებები, ამიტომ ეს პროცესი განგრძობადი იქნება, ამის თქმა მინდა.

 

ნებისმიერი სახელმწიფოს საზღვრის გადაკვეთის მცდელობის პირობებში მათ დააპატიმრებენ, ყველას, ვისზეც მსგავსი ბრძანება გაიცემა და, რა თქმა უნდა, ასეთი ტიპის პროცედურის დაწყება, როდესაც სისხლის სამართლის პასუხისმგებლობა დგება მაღალი თანამდებობის პირების, აუცილებლად იწვევს ხოლმე ამ სახელმწიფოებში უკვე, პოლიტიკურ ელიტაში ერთგვარ განსხვავებული მოსაზრებების თუ განსხვავებული ხმების გაჩენას, რადგან ადამიანებმა დღეს კრემლში პირველად ჩახედეს რეალობას თვალებში, რომ შესაძლოა, ისინი აღმოჩნდნენ საპატიმროში“, - აცხადებს თინა ხიდაშელი.

 

ცნობისთვის, ჰააგის საერთაშორისო სასამართლომ რუსეთის პრეზიდენტის, ვლადიმერ პუტინის დაპატიმრების ორდერი გასცა.

წაკითხვა 193 ჯერ
ჩვენს შესახებ

მოკლე ინფო

ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.

ჩვენს შესახებ

საინფორმაციო სააგენტო „პირველი ნიუსი“ 2018 წელს შეიქმნა. ჩვენი სააგენტოს ვებგვერდზე ქვეყნდება მიმდინარე პოლიტიკური, ეკონომიკური, სოციალური, მსოფლიო, კულტურული, სპორტული და სხვა აქტუალური სიახლეები.  სიტყვისა და გამოხატვის თავისუფლება ადამიანის ერთ–ერთი ძირითადი უფლებაა. სწორედ ამ უფლების გამოყენებით ჩვენმა გუნდმა აიღო ვალდებულება, რომ საზოგადოებას დროულად მივაწოდოთ ამომწურავი, ობიექტური ინფორმაცია ფაქტებისა და მოვლენების დამახინჯების გარეშე.