"გახარიას ვურჩევ, რომ ამ ჭორიკანობას თავი დაანებოს და საერთოდაც პოლიტიკას შეეშვას, არ არის მისი საქმე" - გურამ მაჭარაშვილი
გახარიას ვურჩევ, რომ ამ ჭორიკანობას თავი დაანებოს და საერთოდაც პოლიტიკას შეეშვას, არ არის მისი საქმე, - ამის შესახებ "ხალხის ძალის" დეპუტატმა, გურამ მაჭარაშვილმა განაცხადა, რითაც პარტია "საქართველოსთვის" ლიდერის, გიორგი გახარიას განცხადებას გამოეხმაურა, რომ „ბიძინა ივანიშვილს ამერიკის შეერთებულ შტატებში მთავრობის წარმომადგენელი შიკრიკად ჰყავს გაგზავნილი".
მაჭარაშვილის განცხადებით, გიორგი გახარია ჭორებზე გადავიდა, რადგან მისი პოლიტიკური რეპუტაცია ყოველდღიურად ეცემა.
„მას არანაირი პოლიტიკური განცხადება არ შეუძლია გააკეთოს ისეთი, რომელიც აწევს მის პოლიტიკურ წონას და გადავიდა ჭორაობაზე. წარმოიდგინეთ ახლა მითი, რომ ივანიშვილი თურმე რომელიღაცა მინისტრს ამერიკაში აგზავნის და მერე ამას ზედამხედველობას უწევს გახარია. აი, ამ მითებით ცხოვრობს გახარია და ცდილობს, აცხოვროს თავისი გუნდი. მას ვურჩევ, რომ ამ ჭორიკანობას დაანებოს თავი და საერთოდაც პოლიტიკას შეეშვას, არ არის მისი საქმე. ხომ დაინახა, რომ მისი საქმე არ არის პოლიტიკა. ამ ჭორაობაზე ჩვენ კომენტარს ვერ გავაკეთებთ. ჩვენი მთავარი მიზანი არის, რომ ქვეყანა სამშვიდობოს გაგვყავს და ამაში ხელს გვიწყობს ქართული საზოგადოების აბსოლუტური უმრავლესობა," - განაცხადა მაჭარაშვილმა.
ცნობისთვის, გიორგი გახარიამ განაცხადა, რომ ხელისუფლების წარმომადგენლები სინამდვილეში იმდენად არიან შეშინებულები, რომ "შიკრიკს შიკრიკზე აგზავნიან, იქნებ როგორმე გაიგონ მაინც იქ რა ხდება".
„ახლაც მორიგი შიკრიკი ჰყავდათ გაგზავნილი, ფოსტალიონი, საკმაოდ მაღალი დონის. ბიძინა ივანიშვილს ჰყავს გაგზავნილი. საქართველოს მთავრობის ერთ-ერთი წარმომადგენელი თავის პერსონალურ შიკრიკად გაგზავნილი ჰყავს იქ," - განაცხადა გახარიამ.
სიახლეები
- კრემლი ფსონს კალაძეზე დებს? - რატომ დაიწყო რუსულ მედიაში საუბარი თბილისის მერის მოსალოდნელ პრემიერობაზე
- ფოთში, მდინარე რიონთან ქალის ცხედარი იპოვეს
- "ეუთო-ს რეზოლუციაში მოხვდა მთელი რიგი გაუგებარი ჩანაწერები, რაც ძალიან დასანანი და სამწუხაროა"- პრემიერი
- "დღეს, მსოფლიოს მრავალ ადგილას ვხედავთ ადამიანებს, ვისაც დემოკრატია აშინებს" - აშშ-ის ელჩი
- „სპორტული ინიციატივების მხარდაჭერა“ - ქუთაისის მუნიციპალიტეტის მერია კონკურსს აცხადებს