როგორც ვოლსკიმ ჟურნალისტებთან საუბრისას აღნიშნა, ყოველდღიურად ელიან, რომ პარტნიორი ქვეყნებიდან ან არასამთავრობო ორგანიზაციების დამფინანსებლებიდან ვინმე განაცხადებს, რომ გამჭვირვალობა არანაირ პრობლემას არ წარმოადგენს და არასამთავრობო ორგანიზაციები პოლიტიკურ საქმიანობაში არ უნდა იყვნენ ჩართული.

ვოლსკის შეფასებით, პარლამენტის მიერ მიღებული კანონი სავსებით ნორმალურია და ევროპულ სტანდარტს შეესაბამება.

“მოვისმინეთ აშშ-ის სახელმწიფო დეპარტამენტის სპიკერის მოადგილის განცხადება, რომ ამ საკითხებზე მსჯელობა მიმდინარეობს, თუმცა ვერაფერს გეტყვით, რა შედეგებზე გავლენ - დაველოდოთ შემდგომ განცხადებებს.

პრაქტიკა გვიჩვენებს, რომ არასამთავრობო ორგანიზაციები ასეთი გამჭვირვალობისთვის ვითომ და მზად იყვნენ, შემდეგ კი საკითხი დღის წესრიგიდან მოიხსნა. კანონპროექტის დღის წესრიგში დაბრუნდა სწორედ ამან განაპირობა.

ჩვენ არასამთავრობო ორგანიზაციების და კონკრეტული პროგრამების დაფინანსების გამჭვირვალობას ვითხოვთ. ამაში არაფერია ისეთი, რაც რუსულ კანონს ჰგავს და იმ ინტერესს შეესაბამება, რომელიც საქართველოს სახელმწიფოს გააჩნია, რათა არ მოხდეს არასამთავრობო ორგანიზაციების რესურსის დესტაბილიზაციისთვის გამოყენება.

სამწუხაროდ, ვიხილეთ მაგალითი, როდესაც არასამთავრობო ორგანიზაციების ხელმძღვანელები მიტინგზე იდგნენ და მთავრობის გადაყენებასა და ტექნიკური მთავრობის შექმნას ითხოვდნენ. ბომბებსაც კი ითხოვდნენ იმის გამო, რომ საქართველო საომარ მოქმედებებში არ ჩაერთო.

გვაქვს მაგალითი, როდესაც არასამთავრობო ორგანიზაციამ ხმების პარალელური დათვლა გააყალბა, რამაც სერიოზული აჟიოტაჟი, დაპირისპირება გამოიწვია და დესტაბილიზაციის საკმაოდ სერიოზული წინაპირობა შექმნა.

შარლ მიშელის შეთანხმებით არასამთავრობო ორგანიზაციებსაც საკუთარ თავზე გარკვეული პასუხისმგებლობა უნდა აეღოთ, მაგრამ კვლავ პოლიტიკურ ველზე, პოლიტიკური ბრძოლის წინა ხაზზე დარჩნენ.

გამომდინარე აქედან, ჩვენს მიერ მიღებული კანონი სავსებით ნორმალური და ევროპული სტანდარტისაა“, - განაცხადა გია ვოლსკიმ.