"გახარიასა და ხაზარაძის გაერთიანების შემთხვევაში ოპოზიციურ ფლანგზე ერთ-ერთი უძლიერესი ბლოკი შეიქმნებოდა, რომელსაც არჩევნების ბედის გადაწყვეტა შეეძლო"
გიორგი გახარიასა და მამუკა ხაზარაძის გაერთიანების შემთხვევაში ოპოზიციურ ფლანგზე ერთ-ერთი უძლიერესი ბლოკი შეიქმნებოდა, რომელსაც არჩევნების ბედის გადაწყვეტა შეეძლო, – ამის შესახებ ოპოზიციონერმა დეპუტატმა, რომან გოცირიძემ განაცხადა.
როგორც გოცირიძემ აღნიშნა, არჩევნების წინ წარმოდგენილ ოთხივე ოპოზიციურ ბლოკს აქვს ბარიერის დაძლევის შანსი, თუმცა ეს მსხვილი გაერთიანება ყველა რისკს გამორიცხავდა.
„ოპოზიციამ მაინც გამოიჩინა შეგნებულობა და სამი თვის წინანდელ მდგომარეობას თუ შევადარებთ, როცა ყველა ამბობდა, რომ ცალ-ცალკე გავიდოდა და 5%-ს გადალახავდა, მიხვდნენ რა გაერთიანების აუცილებლობას, გაერთიანდნენ. არჩევნების წინ ოპოზიცია წარმოდგენილია ოთხი ბლოკით, დიდი ალბათობით ოთხივეს აქვს ბარიერის დაძლევის შანსი, თუმცა ეს მსხვილი გაერთიანება ყველა რისკს გამორიცხავდა. რისკები არსებობს, თუმცა დრო ჯერ კიდევ არის. ოპოზიციის კარგი მუშაობის შემთხვევაში, თუ ბარიერს ოთხივე ოპოზიციური გაერთიანება გადალახავს, „ქართული ოცნების“ ხელისუფლებაში დარჩენა შეუძლებელია“, – განაცხადა გოცირიძემ.
სიახლეები
- უცხოური ვალუტის ოფიციალური კურსი 21 სექტემბრისთვის
- "ომით ვერ შევძლებთ ტერიტორიების დაბრუნებას და ქვეყნის გაერთიანებას, ამიტომ ჩვენი სტრატეგიული მოთმინების და მშვიდობიანი პოლიტიკა ტერიტორიების მშვიდობიანი დაბრუნების და გაერთიანებისკენ არის მიმართული"
- "2008 წლის ომი გარე დაკვეთით, სწორედ „ნაციონალებმა“ დაიწყეს" - ბიძინა ივანიშვილი
- როგორ უნდა ვებრძოლოთ გენდერული ნიშნით ძალადობის პრობლემას
- "პოლიცია მუშაობს, აუცილებლად იქნება დასჯილი დამნაშავე" - თეიმურაზ კუპატაძე კესარია აბრამიძის მკვლელობის საქმეზე