მელია თსუ-ის მიმდებარე ტერიტორიაზე იმყოფება, სადაც აქტივისტებმა ღამე გაათენეს.

ამიტომ უმჯობესია, ახლა გავწვალდეთ, ახლა შევუქმნათ ერთმანეთს შეფერხება, ვიდრე ათწლეულების განმავლობაში სახელმწიფო იყოს სტაგნაციაში, – ამის შესახებ „კოალიცია ცვლილებებისთვის“ ერთ-ერთმა ლიდერმა, ნიკა მელიამ თსუ-ის მიმდებარე ტერიტორიაზე განაცხადა, სადაც აქციის მონაწილეებმა ღამე კარვებში გაათენეს.

“მეგობრებო, გელოდებით ყველას აქ, ამ ლოკაციაზე, თბილისის ერთ-ერთ უმნიშვნელოვანეს გეოგრაფიულ ადგილზე, საიდანაც ეს პროტესტი გაიშლება თბილისის სხვადასხვა ადგილში. ეს გარდაუვალია. გულზე მჯიღის ცემის დრო წავიდა. კონკრეტული ნაბიჯების გადადგმის დრო მოვიდა, ამ ნაბიჯების გადადგმის დღე დღეს იყო, მაგრამ ეს დღე პირველი დღეა და არა უკანასკნელი“, – მოუწოდა მელიამ მოქალაქეებს.