მისივე შეფასებით, საქართველოს მოქალაქეებისთვის უვიზო რეჟიმის გაუქმება არასამართლიანი იქნება.

„ჩვენი წარმომადგენლები ევროკავშირიდან დღეს ჩამოვიდნენ. ჩვენ ვარწმუნებთ და კიდევ ბევრს ვიმუშავებთ ევროკავშირის წევრ სახელმწიფოებთან, რომ საქართველოს უვიზო მიმოსვლა ევროკავშირთან არ გაუქმონ, მაგრამ საპირწონედ, თუ რაიმე ნაბიჯები უნდა გადადგან, კონკრეტულად ის ადამიანები უნდა დაასანქცირონ, რომლებიც დამნაშავეები არიან ქვეყნის დემოკრატიულ უკუსვლაში და არჩევნების გაყალბებაში.

როგორც კი სავიზო რეჟიმი ჩაირთვება, მოსახლეობის უმრავლესობა ვიზას ვერასოდეს აიღებს. ევროკავშირის ვიზა რომ აიღო გჭირდება: სტაბილური შემოსავალი, საბანკო ანგარიშებზე სტაბილური ფულის მოძრაობა და ა.შ. ეს ხალხი საიდან მოიტანს, ამაზე ხომ არავინ არ ფიქრობს.

მეორე მხრივ, რუსეთთან საზღვარი ღიაა, ნებისმიერ ადამიანს, როცა უნდა მაშინ გადავა და გადმოვა. ეს არის რაც „ქართულ ოცნებას“ უნდა. „ქართულ ოცნებას“ უნდა საქართველოს რიგითი მოქალაქეებისთვის ევროკავშირი დაიკეტოს და მიგვდევნონ [რუსეთში], მხოლოდ მოსკოვში იყოს ჩვენთვის ჩასასვლელი“, - განაცხადა გახარიამ.