ვფიქრობ, სააკაშვილის საკითხზე უნდა დაველოდოთ დასკვნის შედეგებს. ვიცი, რომ კვლევები ტარდება და თითქმის ბოლო სტადიაშია ამ ექსპერტიზის დასკვნები, ამიტომ კონკრეტულ დიაგნოზებზე მსჯელობისგან თავს შევიკავებ. ვფიქრობ, ეს ყველაფერი უნდა იყოს წარდგენილი სასამართლოში და სასამართლომ შესაბამისი პროცედურით უნდა იმსჯელოს, – ამის შესახებ სახალხო დამცველმა, ნინო ლომჯარიამ განაცხადა.
პარტიაში იმდენად არაკომპეტენტურობის და გოიმობის ზეიმი აქვთ, რომ ერთმანეთის კონკურენტები ვინ არიან – მელია, ხაბეიშვილი, მუმლაძე და ახალი ფორვარდი გამოიკვეთა – ჭიაბერაშვილი, – ამის შესახებ პარლამენტის ფრაქცია „ქართული ოცნების“ თავმჯდომარე მამუკა მდინარაძემ „ნაციონალურ მოძრაობაზე“ საუბრისას, ჟურნალისტებს განუცხადა.
„გირჩის” დეპუტატმა, ვახტანგ მეგრელიშვილმაც განაცხადა, რომ სურს საკუთარი კანდიდატურა წამოაყენოს „ნაციონალური მოძრაობის“ თავმჯდომარის პოსტის დასაკავებლად.
ვინმე თუკი ცდილობს, ქართველ ბიზნესმენებს ქართულ ეკონომიკაში თანხების ინვესტირებაზე ააღებინოს ხელი და დავით კეზერაშვილს საკუთარი შავი ფულის პოლიტიკაში ინვესტირებაში დაეხმაროს, მას საქართველოს მიმართ მტრული ზრახვები ამოძრავებს, – ამის შესახებ ფილოსოფოსი ზაზა შათირიშვილი აცხადებს.
საპარლამენტო უმრავლესობის წევრის, ირაკლი ზარქუას განცხადებით, ნიკა მელია იმსახურებს იმას, რასაც უკეთებენ.
არაფორმალური მმართველობა როგორც ქვეყანაში უნდა იყოს აღმოფხვრილი, მათ შორის დაუშვებელია, ნებისმიერ პოლიტიკურ, ოპოზიციურ პარტიაში ვინმეს ჰქონდეს სურვილი ან შესაძლებლობა, თავს მოახვიოს საკუთარი არაფორმალური მმართველობა, ანუ ჩრდილოვანი მმართველობა, განსაკუთრებით, „ნაციონალურ მოძრაობაში“, – ამის შესახებ „ნაციონალური მოძრაობის“ თავმჯდომარემ, ნიკა მელიამ განაცხადა.
