“რადიკალური ოპოზიცია აბსოლუტურად მოშლილია, ორად გაყოფილი, „ნაცმოძრაობა” და „ახალი” ღალატად აცხადებენ არჩევნებში მონაწილეობას და ხაზარაძე და გახარია, 2 პარტია არჩევნებში მონაწილეობს, რეალურად, გაიხლიჩა რადიკალური ოპოზიცია, რაც ძალიან კარგია, ეს ყველაფერი გვიმარტივებს 64-ვე მუნიციპალიტეტში როგორც მერის, ისე საკრებულოს არჩევნების მოგებას,” – ამის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.
ესენი იმდენად აგრესიული დაჯგუფებაა, რომ მზად არიან ერთმანეთი დაჭამონ, – ამის შესახებ პარლამენტის ვიცე-სპიკერმა, ნინო წილოსანმა გადაცემაში „იმედი LIVE“ რადიკალურ ოპოზიციაზე საუბრისას განაცხადა.
ძალიან კომიკური პერსონაჟი რომ არ იყოს ხაბეიშვილი, კანონსაწინააღმდეგო მოწოდებასთან გვაქვს საქმე – რევოლუცია და არჩევნების დღეს ექსტრემიზმი, ამას გეგმავენ. მაგრამ ვიცით, რომ მათ ამისი არანაირი რესურსი აღარ შერჩათ, – ამის შესახებ პარლამენტის ვიცე-სპიკერმა, ნინო წილოსანმა გადაცემაში „იმედი LIVE“ „ნაციონალური მოძრაობის“ პოლიტსაბჭოს თავმჯდომარის, ლევან ხაბეიშვილის განცხადების შესახებ განაცხადა, რომელმაც აღნიშნა: „ქვეყანა საჭიროებს რევოლუციურ ცვლილებებს – ვერთიანდებით, 4 ოქტომბერს გარდაუვალია ამ რეჟიმის მშვიდობიანი დამხობა“.
“მოძრაობა “რუსთაველის გამზირის” ლიდერი პაატა ბურჭულაძე ბოლო რამდენიმე ხანია 4 ოქტომბრის მნიშვნელობაზე საუბრობს და ეროვნულ შეკრებას აანონსებს. როგორც მან განაცხადა, ხელისუფლების დასამხობად ორი მილიონი მოსაწვევი უკვე შეკვეთილია. ანალიტიკოსთა ერთი ნაწილი ამას სერიოზულად ვერ აღიქვამს, მეორე მხარე კი ფიქრობს, რომ იქამდე ოპოზიციას სამუშაო აქვს.
პარტია "ლელო - ძლიერი საქართველოს" ერთ-ერთმა ლიდერმა მამუკა ხაზარაძემ, რუსთავის მე-12 სასჯელაღსრულების დაწესებულების დატოვების შემდეგ მედიასთან საუბარში განაცხადა, რომ მისთვის და მისი პარტიის კიდევ ერთი ლიდერისთვის, ბადრი ჯაფარიძისთვის, მოულოდნელი აღმოჩნდა "ე.წ. პრეზიდენტის მიერ შეწყალება". ეს აქტი მან შეაფასა "დაპირისპირებისა" და "შავი პიარისთვის" გამიზნულ ნაბიჯად. ამასთან, მისი სიტყვებით, არ იცვლება ადგილობრივი თვითმმართველობის არჩევნებში მონაწილეობის შესახებ პარტიის მიერ მიღებული გადაწყვეტილება.
“პატივს ვცემ ყველა ოპოზიციონერის პოზიციას. ჩვენ გადაწყვეტილება მივიღეთ კარგად გააზრების და ყველა ფაქტორის აწონ-დაწონვის შემდგომ და რა თქმა უნდა, ეს გადაწყვეტილება არ შეგვიცვლია. ამ გადაწყვეტილების გამო დაგვატუსაღეს, შესაბამისად, ჩვენ ამ გადაწყვეტილების ერთგულები ვრჩებით, “- ამის შესახებ „ლელო – ძლიერი საქართველოს“ ლიდერმა, ბადრი ჯაფარიძემ, განუცხადა ჟურნალისტებს ოპოზიციის იმ ლიდერებისგან მოწოდების საპასუხოდ, რომლებიც “ლელოს” მოუწოდებენ, არ მიიღონ ადგილობრივი თვითმმართველობის არჩევნებში მონაწილეობა.
