რუსული მედიის ცნობით, პუტინის ხელმძღვანელობით ჩატარებული წვრთნების დროს ინციდენტი მოხდა
რუსეთის სტრატეგიული ბირთვული ძალების წვრთნების დასკვნით ეტაპზე, რომელსაც 17 ოქტომბერს პრეზიდენტი პუტინი ხელმძღვანელობდა, შეფერხება მოხდა.
გაზეთი „ვედომოსტი“ რუსეთის თავდაცვის სამინისტროსთან დაახლოებულ ორ წყაროზე დაყრდნობით წერს, რომ ატომურმა წყალქვეშა კრეისერმა „რიაზანმა“ მხოლოდ ერთი ბალისტიკური რაკეტის გასროლა შეძლო და არა ორის, როგორც ეს გეგმით იყო გათვალისწინებული.
წყაროების ინფორმაციით, მეორე რაკეტამ გამშვები დანადგარის შახტიდან გასვლა ვერ შეძლო და კრეისერი დისლოკაციის ადგილს გაუსროლელი ბალისტიკური რაკეტით დაუბრუნდა.
რუსეთის თავდაცვის სამინისტროში არ უპასუხეს ინციდენტის შესახებ "ვედომოსტის" მიერ გაგზავნილ შეკითხვას.
სამხედრო სწავლება „გრომ 2019“ გასულ კვირაში, 15-17 ოქტომბერს ჩატარდა რუსეთის სამხრეთის და აღმოსავლეთის სამხედრო ოლქებში და ბარენცის და კასპიის ზღვებში. სულ დაგეგმილი იყო 16 ბალისტიკური რაკეტის გაშვება.
სიახლეები
- შსს-ს ინფორმაციით, რუსთაველის გამზირზე მიმდინარე საპროტესტო აქციაზე ადმინისტრაციული წესით 16 პირია დაკავებული
- “საგამოძიებო კომისიამ დაადგინა, რომ 2004 წლიდანვე „ნაციონალურმა მოძრაობამ“ ცხინვალის რეგიონსა და კოდორის ხეობასთან მიმართებით საქართველოს ტერიტორიული მთლიანობისა და სამშვიდობო პროცესისთვის საზიანო ნაბიჯები გადადგეს” - თეა წულუკიანი
- “საგამოძიებო კომისიამ დაადგინა, რომ 2004-12 წლებში, “ნაციონალური მოძრაობის” მიერ დაკავებულ პირთა მიმართ წამება და არაადამიანური მოპყრობა, იყო სისტემატური და სისტემური” - თეა წულუკიანი
- “საგამოძიებო კომისიამ დაადგინა, რომ პატიმართა მიმართ წამებისა და არაადამიანური მოპყრობის სხვადასხვა, სასტიკი მეთოდების გამოყენებას ჰქონდა თითქმის ყოველდღიური ხასიათი” - თეა წულუკიანი
- საყოველთაო ნათლობის 72-ე ეტაპისთვის მსურველთა რეგისტრაცია იწყება
