არაფერი მაქვს თქვენთან სამტკიცებელი, ბევრი ადამიანია მოწმე, რამდენჯერ სად ვიყავი და ვისთან ერთად ვიყავი. დამატებით დეტალები შსს-ს ეცოდინება, ოხრად კამერებია და ისეთი მონდომებულები ხართ ჩემი ლოკაციების დასადგენად, აუცილებლად მოგაწვდიან, – ამის შესახებ „ერთიანი ნაციონალური მოძრაობის“ ერთ-ერთი ლიდერი, ლევან სანიკიძე სოციალურ ქსელში წერს, რითაც პასუხობს კითხვას, სად იყვნენ „ნაციონალური მოძრაობის“ წარმომადგენლები 4 ოქტომბრის აქციის მიმდინარეობისას და „რატომ მიატოვეს ირაკლი ნადირაძე და მურთაზ ზოდელავა“.
მშვიდობიანი მომიტინგეები რეჟიმს შეატოვეს – ჩემი პერსონალური და ჩვენი გუნდის ყველაზე დიდი მარცხი ის არის, რომ აი, ამ პოლიტიკოსების აზრი გახდა მეინსტრიმი და ჩვენ მოქალაქეების საპირისპიროში დარწმუნება ვერ შევძელით, – ამის შესახებ სოციალურ ქსელში პარტია “გახარია საქართველოს“ წევრი ანა ბუჩუკური წერს.
,,სამწუხაროდ, არასწორია და მხოლოდ პოლიტიკური დატვირთვა აქვს განცხადებებს, თითქოს ბოიკოტმა იმუშავა და ოცნების არჩევნებზე ხალხი არ მივიდა. სინამდვილეში, არჩევნებზე არ მივიდა მხოლოდ ოპოზიციურად განწყობილი ამომრჩევლის დიდი ნაწილი, რის გამოც ოცნებამ მომავალი 4 წლით “დაიკანონა” მმართველობა 64 მუნიციპალიტეტში”,- ამის შესახებ საქართველოს სტრატეგიისა და საერთაშორისო ურთიერთობების კვლევის ფონდის ევროპული კვლევების ცენტრის დირექტორი, კახა გოგოლაშვილი, სოციალურ ქსელში წერს.
პოლიტიკური პარტიები საკუთარ შეცდომებზე არ საუბრობენ, მხოლოდ და მხოლოდ გადაბრალებაზე არიან გადასულნი. თურმე ხალხია დამნაშავე, რომ მათ მხარს არ უჭერენ, – ამის შესახებ დედაქალაქის მერმა მედიასთან ადგილობრივი თვითმმართველობის არჩევნების შედეგების შეფასებისას ისაუბრა.
“იმ სიგიჟეების შემდეგ, რაც ხაზარაძემ და „ლელომ“ აკეთეს, ხაზარაძის პოლიტიკიდან წასვლას ველოდები”, – ამის შესახებ „გირჩის“ ლიდერმა, იაგო ხვიჩიამ განაცხადა.
“უცხოური ძალა, რომელიც საქართველოს და ხელისუფლებას ებრძვის, 4 ოქტომბრის შემდეგ დაფიქრდება და, სულ მცირე, გარკვეულ მოლაპარაკებებს დაიწყებს ან რაღაც ფორმატს შეცვლის”, – ამის შესახებ „ხალხის ძალის“ წევრმა, გურამ მაჭარაშვილმა განაცხადა.
ძლიერმა შტორმმა, რომელიც ჰიმალაის რეგიონს დაატყდა თავს, ნეპალსა და ინდოეთის მხარეში მეწყერი და წყალდიდობები გამოიწვია. ოფიციალური მონაცემებით, სტიქიას სულ მცირე, 70 ადამიანი ემსხვერპლა.
4 ოქტომბრის აქციის ორგანიზატორების გადაწყვეტილებები იყო არასწორი და უპასუხისმგებლო, - ამის შესახებ პარტია „თავისუფლების მოედნის“ ხელმძღვანელმა, ლევან ცუცქირიძემ „პალიტრანიუსის“ გადაცემა „დღის ნიუსრუმში“ სტუმრობისას განაცხადა, რითაც 4 ოქტომბრის აქცია და ასევე, ათონელის ქუჩაზე განვითარებული მოვლენები შეაფასა.
ამ განცხადებამ დაადასტურა, რომ დღევანდელ არალეგიტიმურ რეჟიმთან ურთიერთობების გადატვირთვის არანაირი რესურსი არ არსებობს, თუ ის გააგრძელებს ანტიევროპულ და ანტიდემოკრატიულ პოლიტიკას, - ამის შესახებ „ლელო-ძლიერი საქართველოს“ ერთ-ერთმა ლიდერმა, სალომე სამადაშვილმა განაცხადა, როდესაც ისაუბრა ევროკავშირის უმაღლესი წარმომადგენლის, ევროკომისიის ვიცე-პრეზიდენტ კაია კალასისა და გაფართოების საკითხებში ევროკავშირის კომისრის მარტა კოსის ერთობლივ განცხადებაზე.
