„ვეტინგი“ შეიძლება იყოს მნიშვნელოვანი სასამართლო რეფორმისა და მართლმსაჯულების დამოუკიდებლობისთვის, მაგრამ უნდა გვესმოდეს, რომ ფუნდამენტური რეფორმების გარეშე, სასამართლოს ვერანაირი ცალკე აღებული „ვეტინგის“ სისტემა ვერ უშველის, – ამის შესახებ „ნაციონალური მოძრაობის“ წევრმა, ანა წითლიძემ განაცხადა.
მისივე თქმით, სასამართლო ხელისუფლება უნდა იყოს თავისუფალი და დამოუკიდებელი.
„ვერ გეტყვით, ვინ შეიძლება იყოს სტენსილების ავტორი, თუმცა შემიძლია, გითხრათ, რომ სასამართლო ხელისუფლებას, სასამართლოს დამოუკიდებლობას და თავისუფლებას დღეს არ ჰყავს უფრო დიდი მტერი, ვიდრე ივანიშვილის პარტიაა. ვერაფერი და ვერავინ სასამართლო ხელისუფლებას ავტორიტეტს ვერ ურყევს ისე, როგორც ივანიშვილის პარტია. ხელისუფლების მთავარი მიზანი ახლა უნდა იყოს, 9-პუნქტიანი ვალდებულებიდან ერთ-ერთი – სასამართლოს თავისუფლება და დამოუკიდებლობა – შეასრულოს და ამ სისტემაში რეფორმები განახორციელოს, გაარღვიოს სასამართლო ხელისუფლების პოლიტიკურობის 30-წლიანი მანკიერი ტრადიცია. ამის ნაცვლად, ჩვენ ვხედავთ, რომ ოთხ კორუმპირებულ და სანქცირებულ მოსამართლეს, ფაქტობრივად, ფარად ეფარება ივანიშვილის ხელისუფლება, ყველაფრის ფასად იცავს. ეს კიდევ ერთხელ ადასტურებს, რომ ივანიშვილის ხელისუფლება და სასამართლო ხელისუფლება ისეა ერთმანეთში გადაზელილი, რომ ძნელია გარჩევა, რომელი რომელზეა დამოკიდებული ან რომელი რომელს აშანტაჟებს. არცერთ კეთილსინდისიერ მოსამართლეს არ უნდა ეშინოდეს „ვეტინგის“ სისტემის. „ვეტინგი“ შეიძლება იყოს მნიშვნელოვანი სასამართლო რეფორმისა და მართლმსაჯულების დამოუკიდებლობისთვის, მაგრამ ძალიან კარგად უნდა გვესმოდეს, რომ ფუნდამენტური რეფორმების გარეშე, სასამართლოს ვერანაირი ცალკე აღებული „ვეტინგის“ სისტემა ვერ უშველის. ჩვენ უნდა შევეჩვიოთ და ვისწავლოთ, რომ სასამართლო ხელისუფლება ამ ქვეყანაში უნდა იყოს თავისუფალი, დამოუკიდებელი“, – აღნიშნა ანა წითლიძემ.
წითლიძის შეფასებით, იმ მოსამართლეთა პოზიცია, რომლებიც კატეგორიულად ეწინააღმდეგებიან „ვეტინგის“ სისტემას, მიუთითებს, რომ მათ რაღაცის ეშინიათ.
„სასამართლო სისტემაში ძალიან ბევრი კეთილსინდისიერი მოსამართლეა, რომლებსაც არ აქვთ პრობლება, რომ მათი კეთილსინდისიერება შემოწმდეს. „ვეტინგთან“ დაკავშირებით იმ მოსამართლეთა პოზიცია, რომლებიც კატეგორიულად ეწინააღმდეგებიან ამას, კიდევ ერთხელ ნათლად მიუთითებს, რომ ამ ადამიანებს აქვთ რაღაც ისეთი, რისიც ეშინიათ“, – განაცხადა ანა წითლიძემ.
ჩვენი საზოგადოების უმრავლესობისთვის ლგბტ პროპაგანდის წახალისება მიუღებელია, – ამის შესახებ ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა საქართველოს პირველ არხს განუცხადა.
ლგბტ პროპაგანდასთან დაკავშირებით თუ არცერთი დაზარალებული არ არსებობს და ეს არავის აწუხებს, მაშინ რა შუაშია ცვლილებები? – ამის შესახებ „გირჩის“ წევრმა, იაგო ხვიჩიამ განაცხადა.
აკნეს ნიღაბი სახლში: მარტივი რეცეპტიჩვენ გვინდა სუფთა, გლუვი და ლურჯი კანი
საქართველოს შინაგან საქმეთა სამინისტროს სასაზღვრო პოლიციის თანამედროვე, ახალი, ევროპული ტიპის „H 145“ ვერტმფრენი უკვე საქართველოშია.
სტრასბურგის სასამართლომ კიდევ ერთხელ დაამტკიცა, რომ ქართული სასამართლოს განაჩენები სამართლიანია, ემყარება კანონს და უფლებათა დაცვის მაღალ სტანდარტს, – ამის შესახებ პარტია „ხალხის ძალის“ თავმჯდომარემ სოზარ სუბარმა განაცხადა.
ჩვენ აქტიურად დავიწყეთ მოლაპარაკება როგორც უცხოურ, ასევე ქართულ ავიაკომპანიებთან, რათა საქართველოდან გერმანიის მიმართულებით გაიზარდოს ფრენების სიხშირე და ასევე დაემატოს ჩარტერული რეისები იმ პერიოდში, როდესაც ჩვენი ბიჭები ითამაშებენ ევროპის ჩემპიონატზე, – ამის შესახებ აეროპორტების გაერთიანების ხელმძღვანელმა, ირაკლი ქარქაშაძემ განაცხადა.
რუსეთმა უკრაინაზე დრონებით და რაკეტებით მორიგი იერიში მიიტანა. გასული ღამის განმავლობაში უკრაინის თავდაცვის ძალებმა მხოლოდ უპილოტო საფრენი აპარატების მოგერიება შეძლეს.