ყირგიზეთისა და ტაჯიკეთის საზღვარზე შეტაკებების შედეგად დაჭრილი 11 ადამიანი საავადმყოფოშია გადაყვანილი.
არჩევნებზე სადამკვირვებლო ორგანიზაციების დამკვირვებლებზე გარკვეული შეზღუდვები დადგინდება.
ტელეკომპანია „იმედთან" ინტერვიუში ამერიკის შეერთებული შტატების ელჩმა ილაპარაკა უკრაინაში რუსეთის სამხედრო აგრესიის საკითხზე საქართველოს პოზიციის შესახებ. გარდა ამისა, ელჩმა განაცხადა, რომ ამერიკის შეერთებულ შტატებს არ სურს და მის ინტერესებში არ შედის საქართველოში ამ ომის გავრცელება.
უკრაინის პრეზიდენტის ადმინისტრაციაში განაცხადეს, რომ ვოლოდიმირ ზელენსკის ესკორტი ავტოავარიაში მოჰყვა. პრეზიდენტის პრესმდივნის, სერჰიი ნიკიფოროვის ინფორმაციით, კიევში, მსუბუქი ავტომობილი შეეჯახა პრეზიდენტის და მის თანმხლებ ავტომანქანებს.
ჩვენ ვუპასუხებთ ტერორისტებს მათ ყოველგვარ სისასტიკეზე, ყველა რაკეტაზე, ჩვენ ეს შეგვიძლია, – ამის შესახებ უკრაინის პრეზიდენტმა, ვოლოდიმირ ზელენსკიმ ვიდეომიმართვაში განაცხადა. ზელენსკის თქმით, დღეისთვის თითქმის მთელი ხარკოვის რეგიონი დეოკუპირებულია, რაც იყო უკრაინელი ჯარისკაცების უპრეცედენტო მოქმედება.
უკრაინის პრეზიდენტმა ასევე აღნიშნა, რომ მოვლენების შესაბამისად რუსი ჯარისკაცებისთვის ერთადერთი გამოსავალი უკრაინული ძალებისთვის დანებებაა და მხოლოდ ეს უზრუნველყოფს მათი სიცოცხლისა შენარჩუნებას ყველა კონვენციის შესაბამისად.
„მხოლოდ აქტიური ოპერაციების პირველ დღეს ჩვენი ჯარები 19 კმ დაწინაურდნენ. ხუთი დღის შემდეგ 110 კილომეტრი ბრძოლებით დაიფარა. მთლიანობაში დეოკუპირებულია თითქმის 400 დასახლებული პუნქტი. ამ ტერიტორიაზე დარჩენილი 150 000 უკრაინელი ახლა ისევ გრძნობს, რომ ჩვეულებრივი, უსაფრთხო, ნორმალური ცხოვრებაა. რუსეთის არმია ხარკოვის მხარეში ხუთ თვეზე მეტი იმყოფებოდა. და ამ ხნის განმავლობაში ოკუპანტებს არც კი უცდიათ რამე გაეკეთებინათ ხალხისთვის, მხოლოდ ანადგურებდნენ, მხოლოდ ართმევდნენ, მხოლოდ მიჰყავდათ“, – თქვა უკრაინის პრეზიდენტმა.
თბილისის მერია პროგრამის – „სპორტი უფროსი თაობისთვის“ ფარგლებში, 60 წელს გადაცილებული პირებისთვის საცურაო აუზებისა და ფიტნესდარბაზების მომსახურებას დააფინანსებს, – ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე განაცხადა.
ე.წ. მოსმენების კანონს, რომელზეც საკანონმდებლო ორგანომ პრეზიდენტის ვეტო დაძლია, პარლამენტის თავმჯდომარემ შალვა პაპუაშვილმა ხელი მოაწერა.
ერთი გაკვეთილი უკრაინის ომიდან არის, რომ ჩვენ უნდა გვესმინა მათთვის, ვინც პუტინს იცნობს, ჩვენი მეგობრებისთვის უკრაინაში, მოლდოვასა და საქართველოში, – ამის შესახებ ევროკომისიის პრეზიდენტმა, ურსულა ფონ დერ ლაიენმა ევროპარლამენტში სიტყვით გამოსვლისას განაცხადა.
რუსეთის საგარეო საქმეთა მინისტრმა სერგეი ლავროვმა მიიღო ვიზა აშშ-ში, ნიუ-იორკში გაეროს გენერალური ასამბლეის სხდომაზე გასამგზავრებლად.
სომხეთის თავდაცვის სამინისტრომ დღეს დილით განაცხადა, რომ აზერბაიჯანის არმიამ შეტევა განაახლა.
