პრემიერ-მინისტრ გიორგი გახარიას განცხადებით, ჟენევის მოლაპარაკებების ჩაშლა საქართველოს მიუღებლად მიაჩნია.
„კრედიტების გადავადება იყო კარგად შეფუთული სიკეთე „საბანკო სექტორის“ მხრიდან“ – ამის შესახებ პოლიტიკური გაერთიანება „სოციალური სამართლიანობისთვის“ ლიდერმა, მამუკა ტუსკაძემ პარტიის ოფისში გამართულ მორიგ ბრიფინგზე განაცხადა. მისი თქმით, კომერციულმა ბანკებმა სიტუაციით ისარგებლეს და პანდემიამდე აღებული სესხის თანხა მსესხებლებს მნიშვნელოვნად გაუზარდეს.
ბევრჯერ მითქვამს ჩვენი ოპონენტებისთვის - ან წიგნი წაიკითხეთ, ან კალკულატორი აიღეთ, ან ელემენტარულ არითმეტიკას მიყევით, - ასე უპასუხა ჟურნალისტების შეკითხვას პრემიერ-მინისტრმა გიორგი გახარიამ, რომელიც ექსპერტების მოსაზრებას ეხებოდა საავადმყოფოს 48 მილიონად აშენებასთან დაკავშირებით.
ინფექციური საავადმყოფოს ბოქსირებული განყოფილების უფროსის, მარინა ენდელაძის განცხადებით, კორონავირუსის დადასტურებული 508 ახალი შემთხვევიდან, 259 პაციენტი აჭარიდანაა, 111 თბილისიდან, იმერეთში 91 ახალი შემთხვევა დაფიქსირდა, სამეგრელო-ზემო სვანეთში 24, გურიაში 8, ქვემო ქართლსა და მცხეთა-მთიანეთში 5-5, ხოლო შიდა ქართლსა და კახეთში 2-2.
ქუთაისის ინფექციურ კლინიკაში კორონავირუსით ინფიცირებული ორი პაციენტი დაემატაა, ერთი კი გამოჯანმრთელდა.
ქუთაისში, „ევროპული საქართველოს“ მაჟორიტარობის კანდიდატის, ოთარ კახიძის განცხადებით, ოფიციალური დოკუმენტაციის შესწავლით დგინდება, რომ ქუთაისის მერიამ გარე განათების ქსელისთვის 4200 ცალი ახალი სანათი მოწყობილობის შესყიდვა დაგეგმა, რისთვისაც არ გამოაცხადა ტენდერი და უკონკურენტოდ დაუკვეთა სანათები კონკრეტულ მომწოდებელს.
საქართველოში, ბოლო 24 საათში, კორონავირუსისგან კიდევ 4 პაციენტი გარდაიცვალა და მათი რაოდენობა 62-მდე გაიზარდა.
საქართველოში კორონავირუსის 508 ახალი შემთხვევა გამოვლინდა და ინფიცირების შემთხვევათა რაოდენობა 9753-ს შეადგენს.
სომხეთის თავდაცვის სამინისტროს ოფიციალური წარმომადგენელი შუშან სტეპანიანი უარყოფს აზერბაიჯანული მხარის მიერ გავრცელებულ ინფორმაციას, რომ სომხეთის შეიარაღებულმა ძალებმა ბაქო-თბილისი-ჯეიჰანის ნავთობსადენზე სარაკეტო დარტყმების განხორციელება სცადა.
ამის შესახებ შუშან სტეპანიანი სოციალურ ქსელ „ფეისბუქში” წერს.
„აზერბაიჯანული მხარის განცხადება, რომ სომხურმა ქვედანაყოფებმა ბაქო-თბილისი-ჯეიჰანის ნავთობსადენზე დარტყმის განხორციელება სცადეს, ტყუილია. ჩვენ არაერთხელ გვითქვამს, რომ ჩვენს სამიზნეს არ წარმოადგენს ნავთობისა და გაზის ინფრასტრუქტურა, თუმცა ადგილმდებარეობის განურჩევლად, ყველა სამხედრო ობიექტი და ადგილი, საიდანაც ცეცხლს გახსნიან არცახის მიმართულებით, განადგურდება”, – წერს სომხეთის თავდაცვის უწყების წარმომადგენელი.
მანამდე, აზერბაიჯანის გენერალურმა პროკურატურამ გაავრცელა განცხადება, რომლის თანახმადაც, სომხეთის შეიარაღებულმა ძალებმა ქვეყნის სამხედრო-პოლიტიკური ხელმძღვანელობის განკარგულებით, ევლახის რაიონში, ბაქო-თბილისი-ჯეიჰანის ნავთობსადენის მონაკვეთზე სარაკეტო დარტყმების განხორციელება სცადეს, თუმცა მათი ინფორმაციით, აზერბაიჯანულმა მხარემ „აღნიშნული ტერორისტული მცდელობა აღკვეთა”.
აზერბაიჯანის პრეზიდენტის თანაშემწე, ჰიკმეტ ჰაჯიევი „ტვიტერში“ წერს, რომ სომხეთის მიერ ბაქო-თბილისი-ჰეიჰანის მიმართულებით ნასროლი რაკეტა ნავთობსადენიდან ათ მეტრში ჩამოვარდა. გაჯიევის თქმით, მილსადენი არ დაზიანებულა.
COVID-19– ის საწინააღმდეგო ვაქცინა შესაძლოა წლის ბოლოსთვის მზად იყოს, - ამის შესახებ მსოფლიო ჯანდაცვის ორგანიზაციის (WHO) ხელმძღვანელმა ტედროს ადჰანომ განაცხადა.
