ფინეთმა და შვედეთმა ნატო-ში გაწევრიანებაზე განაცხადები წარადგინეს, - ამის შესახებ სამხედრო ალიანსის გენერალურმა მდივანმა იენს სტოლტენბერგმა განაცხადა.

იმერეთში სახელმწიფო რწმუნებულმა ზვიად შალამბერიძემ, საქართველოს რეგიონული განვითარებისა და ინფრასტრუქტურის მინისტრის პირველმა მოადგილემ ილია ბეგიაშვილმა, საქართველოს მთავრობის რეგიონებთან ურთიერთობის დეპარტამენტის რეგიონული კოორდინაციის სამმართველოს უფროსმა შოთა კაკაბაძემ და გუბერნატორის მოადგილემ ბესიკ გოფოძემ, იმერეთში მიმდინარე ინფრასტრუქტურული სამუშაოები დაათვალიერეს.

რუსეთმა საქართველოსთან სახმელეთო საზღვრის გადაკვეთაზე შეზღუდვები მოხსნა. ახლა რუსებს საზღვრის გადაკვეთისთვის სპეციალური საფუძველი აღარ დასჭირდებათ და მხოლოდ COVID-19-ის საწინააღმდეგო ვაქცინაციის სერტიფიკატის ან კორონავირუსის PCR ტესტის საბუთი უნდა წარადგინონ, რაც გამგზავრებამდე 72 საათით ადრე უნდა აიღონ.

გუშინ კიდევ 10-მდე ავტობუსით მოხდა მარიუპოლის გმირი დამცველების გაყვანა რუსების მიერ დროებით კონტროლირებად იელენოვკას ტერიტორიაზე, მაგრამ აზოვსტალში ჯერ კიდევ რჩებიან აზოვის პოლკის მეთაური დენის პროკოპენკო, 36 ქვეითთა ბრიგადის ხელმძღვანელი ვოლინა და სხვა მებრძოლები, - ამის შესახებ სოციალურ ქსელში ალექსი პეტრიაშვილი წერს.

უკრაინის პრეზიდენტი ვოლოდიმირ ზელენსკი აცხადებს, რომ „აზოვსტალიდან“ სამხედროების ევაკუაცია მიმდინარეობს. ამის შესახებ უკრაინის პრეზიდენტმა ვიდეომიმართვაში განაცხადა.

საქართველოს ეროვნული ბანკის მიერ გამოქვეყნებული მონაცემების თანახმად, 18 მაისს ერთი ამერიკული დოლარი 2.9654 ლარი ეღირება, ევრო – 3.1181 ლარი, ხოლო ბრიტანული გირვანქა სტერლინგი – 3.6961 ლარი.

ნიკა გვარამიას დაკავებას სოციალურ ქსელში თავდაცვის ყოფილი მინისტრი თინა ხიდაშელი ეხმაურება:

ეჭვგარეშეა, რომ ნიკა გვარამიას დაკავება განხორციელდა პოლიტიკური ნიშნით. როგორი შეკრულიც არ უნდა იყოს საქმე ფაქტობრივად თუ იურიდიულად, სასამართლო გადაწყვეტილება მხოლოდ მაშინ პასუხობს დემოკრატიული მართლმსაჯულების პრინციპს თუ ის არის როგორც კანონიერი, ისე პირველ რიგში, სამართლიანი, - ასე ეხმაურება ნიკა გვარამიას დაკავებას FirstNews.ge-თან საუბარში "ჭავჭავაძის ცენტრის" დირექტორი, საგარეო საქმეთა მინისტრის ყოფილი მოადგილე ნინო კალანდაძე.

მისივე თქმით, შერჩევითობა იურიდიულად ყველაზე მყარ საქმეს აქცევს პოლიტიკურ საქმედ.

"მიდგომა რომ შერჩევითია, ალბათ არავის ეპარება ეჭვი. კანონის უზენაესობის სტანდარტს რომ უყენებდნენ ყველას, მაშინ ივანიშვილით დაწყებული მისი ჩინოსნების 80 % ით დამთავრებული ახლა გაცილებით უფრო მასშტაბური დარღვევებით, გადაცდომებით და კრიმინალის ხარისხით უნდა ისხდნენ საპატიმროში. აშკარაა, რომ ეს არის მიზანმიმართული სელექციური მიდგომა.

რაში დასჭირდათ ეს, ამაზე პასუხი სპეკულაციური იქნება და არარელევანტური. ამით სააკაშვილის ფაქტორის განეიტრალება და ფოკუსის გადატანა უნდათ, სავაჭროდ დასჭირდათ დასავლეთთან თუ ევროინტეგრაციის შეფერხება სურთ, მეორე ხარისხოვანია, ვინაიდან ქვეყნის ცივილიზებულობის იმიჯს ეს ვნებს ქვეყნის გარეთ, ხოლო შიგნით ამყარებს განუკითხაობის შეგრძნებას. ერთ მშვენიერ დღეს ყველა მოქალაქე იქნება დაშინებული, დაზაფრული და სახელმწიფოსგან ანგარიშსწორების მოლოდინში, თითიდან გამოწოვილი საბაბით, როგორც ეს ტოტალიტარულ რეჟიმებს ახასიათებთ," -აღნიშნავს ჩვენთან საუბარში ნინო კალანდაძე.

კითხვაზე, რა უნდა გააკეთოს ახლა ოპოზიციამ, გვპასუხობს:

"ოპოზიცია ბევრ რამეს უნდა აკეთებდეს 2012 წლიდან მოყოლებული. მაგრამ, სამწუხაროდ, ვერ და არ აკეთებს. ოპოზიცია თამაშობს ბიძინას დაწერილი თამაშის წესებით ბიძინას კარზე. ამაში ოპოზიციის წარმომადგენლებს, ისევე როგორც ოპოზიციურ მედიას თავისი წვლილი აქვს.

მე არ მჯერა, რომ რუს ოლიგარქებს, კრიმინალებს და ეფესბეს მიერ კომპრომიტირებულ კლანებს დათმობით და ცივილიზებული საუბრით აჯობებ. მე მჯერა დიპლომატიის და დიპლომატიური ძალის, ანუ უპირატესობის ენის. ოპოზიციამ კი ყველა ბერკეტი ნებაყოფლობით დათმო. ასეთი ძალის და უპირატესობის დემონსტრირების საშუალება ოპოზიციას რეალურად ჰქონდა სულ 2- ჯერ - 2016-ში და 2020-ში. 2016 წელს, როცა ივანიშვილმა ხალხზე ზეწოლით, მანიპულაციით, მოსყიდვით, ძალის და კრიმინალის გამოყენებით იძალადა ამომრჩევლის ნებაზე, ხოლო ოპოზიციამ ეს არ არჩევნები უღიარა და შესაბამისად უკანონოდ მოპოვებული კონსტიტუციური ძალაუფლების კონსოლიდაცია დაუშვა - მას შემდეგ ივანიშვილმა ყველა საკვანძო რგოლი დაიქვემდებარა ტოტალურად, სამწუხაროდ პოლიტიკური უმცირესობაც. და 2020-ში, როცა აშკარა იყო, რომ საპარლამენტო ბოიკოტი და ოცნების რეჟიმის მარტო დატოვება ძალიან მტკივნეულ დარტყმას აყენებდა ოცნებას. ეს კარგად გამოჩნდა, როცა მედიატორთა მთელი წნეხი გადმოვიდა ოპოზიციაზე, რათა მათ შეეწყვიტათ ბოიკოტი. სხვა ზეწოლის ბერკეტი ოპოზიციას პრაქტიკულად აღარ ჰქონია. მათ შეეძლოთ 2021 ში მეორე ტურებზე უარის თქმით სააკაშვილის გათავისუფლება გამოევაჭრათ, ესეც კი არ ქნეს. შესაბამისად, ხვდებით ალბათ, რომ ახლაც სკეპტიკურად ვუყურებ ოპოზიციის შესაძლებლობებს.

გვარამიას მაშინ გამოუშვებს ივანიშვილი, თუ იგი ამაში პოლიტიკურ მიზანშეწონილობას დაინახავს და ამით თვითონ ხეირს ნახავს სანაცვლოდ. და არა იმიტომ, რომ მასზე ოპოზიციის ან საზოგადოების მღელვარება რამე გავლენას იქონიებს. ვიმეორებ, გავლენის მოსახდენად საჭიროა ძალა, ანუ იძულების ბერკეტი. ეს კი ოპოზიციას, დღეს, სამწუხაროდ არ აქვს,"- აცხადებს ნინო კალანდაძე ჩვენთან საუბარში.

შეგახსენებთ, რომ „მთავარი არხის“ დამფუძნებელი ნიკა გვარამია და მასთან ერთად ბრალდებული კახაბერ დამენია სასამართლომ დამნაშავედ ცნო, ზურაბ იაშვილი კი უდანაშაულოდ იქნა ცნობილი. ნიკა გვარამია სასამართლომ ნაწილობრივ დამნაშავედ ცნო, მის მიმართ წარდგენილი მუხლების ნაწილი 220-ე მუხლით გადაუკვალიფიცირა და მას სასჯელის სახით 3 წელი და 6 თვე განესაზღვრა.

ქუთაისის საჯარო ბიბლიოთეკაში პროექტის პრეზენტაცია, სახელწოდებით ბაუჰაუზის მემკვიდრეობა და "თეთრი ქალაქი" გაიმართა. პრეზენტაციას ქუთაისის საკრებულოს თავმჯდომარე, ირაკლი შენგელია, ისრაელის ელჩი, რან გიდორი და ქუთაისის მერი, იოსებ ხახალეიშვილი დაესწრნენ.