უკრაინის რადას ფრაქცია „ხალხის მსახურის“ ლიდერისა და რუსეთთან მოლაპარაკებებში უკრაინული დელეგაციის ხელმძღვანელის დავით არახამიას განცხადებით, რუსეთის მოქალაქეები და კომპანიები გვერდს უვლიან დასავლურ სანქციებს და ამისთვის ქართულ ორგანიზაციებს იყენებენ, - გამოცემა „დოიჩე ველეს“ ინფორმაციით, არახამიამ ამის შესახებ ვაშინგტონში, „მარშალის ფონდის“ ღონისძიებაზე საუბრისას განაცხადა.
20 ივნისიდან, საზოგადოებრივ ტრანსპორტში, პირბადის გამოყენება სავალდებულო აღარ იქნება. გადაწყვეტილება, ქვეყანაში სტაბილური ეპიდემიოლოგიური მდგომარეობის გათვალისწინებით, ჯანდაცვის სამინისტროსა და დარგის სპეციალისტების რეკომენდაციით, საქართველოს მთავრობამ მიიღო.
საერთაშორისო ფესტივალი ,,თეატრალური იმერეთი“ 16 ივნისიდან დაიწყება.
ფესტივალის ფარგლებში მოქმედი პროფესიული თუ სახალხო თეატრების მიერ წარმოდგენილი იქნება 17 სპექტაკლი. მაყურებელს საშუალება ეძლევა 16 ივნისიდან პირველ ივლისის ჩათვლით მისთვის სასურველ წარმოდგენას დაესწროს.
აღსანიშნავია ისიც, რომ წელს პირველად საერთაშორისო ფესტივალი განსხვავებული ფორმატით ჩატარდება. თეატრები სპექტაკლებს თავიანთ მუნიციპალიტეტებში წარმოადგენენ, ხოლო დახურვის ღონისძიება ქუთაისის, ლადო მესხიშვილის სახელობის პროფესიულ თეატრში პირველ ივლისს გაიმართება.
სპექტაკლებს შეაფასებს პროფესიული ჟიური და ფესტივალის ბოლოს სხვადასხვა ნომინაციებში გამარჯვებულები გამოვლინდებიან.
წელს ფესტივალზე რეგიონის თეატრალური დასების მიერ წარმოდგენილი განსხვავებული ჟანრისა და შინაარსის სპექტაკლების გარდა, მაყურებელი ნახავს ყაზახეთის თეატრისა და თბილისის ახალგაზრდული თეატრის წარმოდგენებს.
პროექტს უკვე მეცამეტე წელია იმერეთში სახელმწიფო რწმუნებულის ადმინისტრაცია და იმერეთის თეატრალური საზოგადოება ერთობლივად ახორციელებს. აღნიშნული ფესტივალი ყოველწლიურად უფრო მასშტაბურია და იმერეთის თეატრების გარდა სხვა დასებიც მონაწილეობენ. ფესტივალზე დასწრება თავისუფალია.
დღეს, ქუთაისის აკაკი წერეთლის სახელობის უნივერსიტეტში ევროკავშირში გაწევრიანების საკითხებთან დაკავშირებით შეხვედრა გაიმართა.
ლარის კურსი ისევ მერყეობს. 6 ივნისის მონაცემებით ეროვნული ვალუტის ოფიციალური ღირებულება დოლართან მიმართებით 2.97 ლარს შეადგენს. ამ წლის პირველი ორი თვის მონაცემებით ეკონომიკა 16.3%-ით არის გაზრდილი.
დაავადებათა კონტროლის ეროვნული ცენტრის ცნობით, ლაბორატორიული კვლევების შედეგად, საქართველოში დადასტურდა „მაიმუნის ყვავილის“ ვირუსის ერთი შემთხვევა.
ბიძინა ივანიშვილისათვის საკუთარი ერთგულების დამტკიცებისა და კობახიძე-ღარიბაშვილის „ჩაშვების“ მცდელობად აფასებს პრეზიდენტ სალომე ზურაბიშვილის გუშინდელ გამოსვლას ანალიტიკოსი გია ნოდია. ნოდია მიიჩნევს, რომ სალომე ზურაბიშვილი იმ გზას დაადგა, რომელსაც „ოცნებიდან“ მისი წინამორბედი „დისიდენტები“ ადგებიან ხოლმე.
ვინ თქვა, რომ ორ წელიწადში უკრაინა იარსებებს მსოფლიო რუკაზე? თუმცა ამერიკელებისთვის სულერთია, - ამის შესახებ რუსეთის უშიშროების საბჭოს თავმჯდომარის მოადგილე დიმიტრი მედვედევი „ტელეგრამის“ არხზე წერს.
უკრაინაში რუსეთის სრულმასშტაბიანი შეიარაღებული აგრესიის შედეგად, სულ მცირე 313 ბავშვი დაიღუპა და 579 დაშავდა. ამის შესახებ უკრაინის გენერალური პროკურატურა იუწყება.
თუკი საკუთარ ეგოზე მაღლა დავდგებით, პირად სიყვარულ-სიძულვილს ცოტა ხანი გვერდზე გადავდებთ უცებ დავინახავთ რომ პრეზიდენტი სინამდვილეში დღეს ყველა გულწრფელად ევროპული ძალების სრულფასოვან მოკავშირედ იქცა, - ამის შესახებ სოციალურ ქსელშ თავდაცვის ყოფილი მინისტრი თინა ხიდაშელი წერს.
