"არავის ეპატიება ქვეყნის ინტერესზე მაღლა დადგომა, ქვეყნის ეროვნული ინტერესების მტრობა მძიმე ფასი დაუჯდება ყველას და ამ პასუხისმგებლობას ვერავინ გაექცევა," - ასე ეხმიანება პარტია "საქართველოსთვის" ლიდერი გიორგი გახარია სოციალურ ქსელში ევროპარლამენტის რეზოლუცია.
ყველაფერი ,,დემოკრატიით ევროპელების გაოცების“ ამბიციით დაიწყო.. ყველას, ვინც ეს ამბიცია თვიდანვე შიზოფრენიის, ან ზომიერებადაკარგული აფერისტობის ნიშნად აღიქვა ან თავი მოიტყუა, შედეგი ერთი დაგვიდგა: მივიღეთ პროვინციული კვაზიავტორიტარიზმი, რომელსაც ევროპამ სახელი უკვე დაარქვა და საქართველოს ევროპული მომავლის პერსპექტივაც ქართველი ხალხის იდეალიზმისა და რაციონალიზმის ძაფებისგან მოქსოვილ თოკზე დაკიდა, - ამის შესახებ სოციალურ ქსელში ჟურნალისტი გიორგი თარგამაძე წერს.
ევროპარლამენტმა თქვა, რომ უკრაინას და მოლდოვას ახლავე უნდა მიენიჭოს ევროკავშირის კანდიდატი ქვეყნის სტატუსი, ხოლო საქართველოსთან უნდა გაგრძელდეს მუშაობა ამ მიმართულებით, - ამის შესახებ სოციალურ ქსელში პოლიტოლოგი გია ნოდია წეს.
მმართველი პარტიის თავმჯდომარე, ირაკლი კობახიძე ამბობს, რომ ევროპარლამენტში საქართველოზე მიღებული რეზოლუცია, რომელიც მედიის თავისუფლების დარღვევების და ჟურნალისტების უსაფრთხოების გამოწვევებს შეეხებოდა, ფეიკების შედეგია. ამის შესახებ მან საგანგებო ბრიფინგზე ისაუბრა.
დღეს, 9 ივნისს, ევროპარლამენტმა კენჭი უყარა რეზოლუციას, საქართველოში მედიის თავისუფლების დარღვევებისა და ჟურნალისტების უსაფრთხოების გამოწვევების შესახებ.
უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინაში არსებული ვითარება გლობალურ სასურსათო კრიზისს გამოიწვევს.
ახლა რას გვეტყვიან „ქართული ოცნების“ ლიდერები, რომლებიც ლაპარაკობდნენ იმაზე, რომ ოთხი-ხუთი კრიმინალის მფარველი და აქაური ოპოზიციის მოსყიდული ევროპარლამენტარი აკრიტიკებდათ, დღეს 400-500 ევროპარლამენტარის პოზიცია რომ დაფიქსირდება საქართველოსთვის? - ეს იქნება ძალიან მძიმე, ასეთი მაღალი ტრიბუნიდან ასეთი რეზოლუციის მიღება არის ჩვენი სირცხვილი, - ამის შესახებ „ლელოს“ დეპუტატმა დავით უსუფაშვილმა ჟურნალისტებთან განაცხადა, რითაც ევროპარლამენტში გუშინ გამართულ დებატებს და საქართველოში მედიაგარემოს შესახებ მომზადებულ რეზოლუციაზე დღეს დაგეგმილ კენჭისყრას გამოეხმაურა.
პოლონეთის პრეზიდენტი ანჯეი დუდა აკრიტიკებს იდეას, რომ უკრაინის ომის გამო შექმნილი სიტუაციიდან გამოსავალი მხოლოდ რუსეთის პრეზიდენტთან, ვლადიმერ პუტინთან მოლაპარაკებებია.
„საქართველო რუსეთის წინააღმდეგ მნიშვნელოვანი მოკავშირე და საყრდენია“, - ამის შესახებ კონგრესმენი ადამ კიზინგერი აშშ-ში საქართველოს ელჩ დავით ზალკალიანთან შეხვედრის შემდეგ „ტვიტერში“ წერს.
"უკრაინაში მიმდინარე ომი ინფლაციის ზრდასა და ფინანსური პირობების გაუარესებას იწვევს" - მსოფლიო ბანკი
მსოფლიო ბანკის მიერ გამოქვეყნებული გლობალური ეკონომიკური პერსპექტივების უახლესი ანგარიშის თანახმად, COVID-19-ის მიერ გამოწვეულ ზიანთან ერთად, რუსეთის შეჭრამ უკრაინაში კიდევ უფრო შეანელა გლობალური ეკონომიკის განვითარება, რომელიც შედის სუსტი ზრდისა და მზარდი ინფლაციის გაჭიანურებულ ფაზაში.
