რუსულმა ძალებმა ჩერნობილის ატომური ელექტროსადგური დაიკავეს. ინფორმაციას ამის შესახებ უკრაინული გამოცემა „უკრაინსკაია პრავდა“ პრეზიდენტის ოფისის ხელმძღვანელის მრჩეველზე, მიხაილ პოლიაკზე დაყრდნობით ავრცელებს.
ქუთაისში უკრაინის მხარდამჭერი აქცია გაიმართა. არასამთავრობო სექტორის წარმომადგენლებმა, ჟურნალისტებმა და სამოქალაქო აქტივისტებმა უკრაინის მთავრობას და უკრაინელ ხალხს სოლიდარობა გამოუცხადეს.
რამდენი ხანია ვწერ და ვლაპარაკობ ფეთქებად საშიშ მდგომარეობაზე საქართველოს ოკუპირებულ რეგიონებში. არავინ იმჩნევს. აფხაზეთისა და ცხინვალის რეგიონში გამოცხადებულია მზადება ომისათვის. მათი შეიარაღება ბევრად გაზრდილია ბოლო პერიოდში, - ამის შესახებ სოციალურ ქსელში ანალიტიკოსი არჩილ გამზარდია წერს.
უკრაინული მხარის ინფორმაციით, რუსეთის ინტერვენციის შედეგად გარდაცვლილია 40-ზე მეტი ადამიანი, ათეულობით კი დაჭრილია. ამის შესახებ უკრაინის პრეზიდენტის ოფისის ხელმძღვანელის მრჩეველმა, ალექსეი არესტოვიჩმა ბრიფინგზე განაცხადა.
უკრაინა რუსეთთან დიპლომატიურ ურთიერთობებს წყვეტს, – განცხადება ქვეყნის პრეზიდენტმა, ვოლოდიმირ ზელენსკიმ რამდენიმე წუთის წინ გააკეთა.
სახალხო დეპუტატები, რომლებიც უკრაინის ტერიტორიას დატოვებენ, მოღალატეებად ჩაითვლებიან, - უკრაინული მედიის ინფორმაციით, ამის შესახებ უმაღლესი რადას თავმჯდომარემ, რუსლან სტეფანჩუკმა განაცხადა.
საქართველოს პრეზიდენტის სალომე ზურაბიშვილის განცხადებით, საქართველო უკრაინაში რუსეთის აგრესიით შოკირებულია.
ვიდეო გალერეა
ჩვენს შესახებ
მოკლე ინფო
ჩვენი მთავარი პრინციპებია: სიზუსტე, ოპერატიულბა და დაბალანსებული ინფორმაციის მიწოდება.
