,,ევროპული საქართველოს'' დეპუტატი ქუთაისის მერიის საბინაო სამსახურის გაუქმებას აპროტესტებს
ქუთაისის საკრებულოს დეპუტატი მერაბ მეშველიანი ქალაქის მერიის რეორგანიზაციის საკითხს ეხმაურება.
გავრცელებული ინფორმაციით, რეორგანიზაცია საბინაო სამსახურს შეეხება. როგორც ,,ევროპული საქართველოს’’ დეპუტატმა ჟურნალისტებთან საუბარისას აღნიშნა, რეორგანიზაცია უნდა ხდებოდეს საქმიანი ინტერესიდან გამომდინარე და მას არ უნდა ახლდეს პოლიტიკური ნიშანი.
,,თუ ქალაქის ინტერესებიდან გამომდინარე მივიღებთ გადაწყვეტილებას, ამ შემთხვევაში გაჟღერებული აზრი, რომ შეიძლება მოხდეს საბინაო სამსახურის რეორგანიზაცია და მისი სხვა სამსახურთან შეერთება, არ იქნება სწორი და საქმიანი გადაწყვეტილება, რადგან საბინაო და მრავალსართულიან კორპუსებთან და სხვა საკითხებთან დაკავშირებით საჭიროა ცალკე სამსახურის არსებობა, რათა ეფექტურად გადაიჭრას მრავალსართულიანი ბინების წინაშე არსებული საკითხები. სხვა სამსახურთან შეერთება გამოიწვევს უამრავ პრობლემას საბინაო სფეროში, რაც მნიშვნელოვნად დააზარალებს ქალაქის ინტერესებს. ჩვენთვის მნიშვნელოვანია იმ პროექტების განხორციელება, რომელიც საბინაო სამსახურთანაა დაკავშირებული", -განმარტა მერაბ მეშველიანმა.
სიახლეები
- ,,სალომე ზურაბიშვილს ისევ ოპოზიცია დაუპირისპირა „დიფ სთეითმა”, მას, როგორც ვადაგასულ პროდუქტს, ჩამოწერენ ქართული პოლიტიკიდან"- ირაკლი კობახიძე
- ,,ვერცერთი სცენარის პირობებში ვერავინ შეარყევს ქართული სახელმწიფოს სუვერენიტეტს და დამოუკიდებლობას"- ირაკლი კობახიძე
- ოკუპირებულ აფხაზეთსა და რუსეთს შორის რეგულარული ფრენები პირველი მაისიდან დაიწყება
- სუსის უფროსის თანამდებობაზე პარლამენტმა ანრი ოხანაშვილი აირჩია
- ,,ცვლილებები ცესკო-ში იმის მაჩვენებელია, რომ ძალიან ნერვიულობენ და არჩევნებისთვის ემზადებიან "- სალომე ზურაბიშვილი
