ომიდან მეხუთე დღე - ქუთაისში უკრაინის მხარდამჭერი მორიგი აქცია გაიმართა
დღეს, ქუთაისში უკრაინის მხარდამჭერი აქცია საღამოს შვიდ საათზე გაიმართა. აქციაზე იმყოფებოდნენ როგორც რიგითი მოქალაქეები, ასევე სამოქალაქო აქტივისტები და არასამთავრობო ორგანიზაციების წარმომადგენლები.
უკრაინაში დაწყებული ომიდან მე-5 დღეა, დღევანდელ აქციას ბაიკერებიც შემოუერთდნენ.
"დღეს, უკვე მეხუთე დღეა, რაც ქუთაისელები გამოვხატავთ პროტესტს უკრაინაში განვითარებულ მოვლენებთან დაკავშირებით. ძალიან ძნელია უკრაინისთვის ის, რაც მათ თავს ხდება. ძნელია უყურო ამ ყველაფერს გულხელდაკრეფილი. ჩვენ ვდგავართ მათ გვერდით და ასე გამოვხატავთ უკრაინისადმი სოლიდარობას,"- განაცხადა FirstNews.ge-თან საუბარში აქციის ერთ-ერთმა ორგანიზატორმა ნანა ჯანაძემ.
"ახლა არის ორი არჩევანი თავისუფლებასა და მონობას შორის. ჩვენ ვირჩევთ თავისუფლებას. იმაზე მეტად კონსოლიდირებულია ქართული საზოგადოება, ვიდრე ეს ადრე იყო. ჩვენ სოლიდარობას ვუცხადებთ უკრაინელ მოძმე ერს,"- განაცხადა ჩვენთან საუბარში სამოქალაო აქტივისტმა გიორგი გველესიანმა.
შეგახსენებთ, რომ რუსეთი უკრაინაში 24 თებერვალს შეიჭრა. ქვეყანაში რუსეთის მიერ დღემდე იბომბება სხვადასხვა ქალაქი.
სიახლეები
- "იმის გამო, რომ უარი ვთქვით, ესკალაციაზე, ორმხრივ სანქციებზე, საზღვრის და ცის ჩაკეტვაზე, ქვეყნის დანგრევაზე, ევროპაში ზოგიერთი საქართველოზე გაბუტული, ნაწყენი და გაბრაზებულია"
- "რუსეთზე ზეწოლა ჯერ კიდევ არასაკმარისია და ამას ადასტურებს რუსეთის ყოველდღიური თავდასხმები უკრაინაზე" - ვოლოდიმერ ზელენსკი
- უკრაინაზე რუსეთის მასიური თავდასხმის გამო პოლონეთმა საჰაერო თავდაცვა მზადყოფნაში მოიყვანა
- "საპატრულო პოლიციის მანქანაში საბა სორდიას მიმართ იყო გამოყენებული ჰომოფობიური სიტყვები" - ადვოკატი
- გარემოს ეროვნული სააგენტო მოსახლეობას აფრთხილებს
