ქუთაისის მერიის და საკრებულოს თანამდებობის პირები StopCoV ფონდში ხელფასის ერთ მესამედს გადარიცხავენ
ქუთაისის მერი გიორგი ჭიღვარია, საკრებულოს თავმჯდომარის მოვალეობის შემსრულებელი ირაკლი შენგელია, მერიისა და საკრებულოს პოლიტიკური თანამდებობის პირები უერთდებიან პარტია „ქართული ოცნება - დემოკრატიული საქართველოს“ მიერ მიღებულ გადაწყვეტილებას, რომ მომდევნო სამი თვის განმავლობაში, სახელისუფლებო გუნდის თანამდებობის პირებმა კორონავირუსთან ბრძოლის ფონდში ხელფასის ერთი მესამედი გადარიცხონ.
"ჩვენ, ახლა, ყველა ძალიან დიდ და სერიოზულ გამოცდას ვაბარებთ. მიზანი ყველას ერთი გვაქვს - უნდა გადავრჩეთ! და უნდა გადავრჩეთ ერთად!
ვუერთდები „ქართული ოცნების“ მიერ დაწყებულ სოლიდარობის აქციას და მომდევნო სამი თვის მანძილზე კორონავირუსთან ბრძოლის ფონდში ჩემი ხელფასის ერთ მესამედს გადავრიცხავ.
მინდა გავამხნევო ის ადამიანები, ვისაც ახლა ყველაზე მეტად სჭირდებათ თანადგომა და ყურადღება და ვუთხრა : - ჩვენ თქვენს გვერდით ვართ!" - აცხადებს ქუთაისის მერი გიორგი ჭიღვარია.
ქუთაისის მუნიციპალიტეტში ადგილობრივი ხელისუფლების მიერ გატარებულ იქნა დაავადების პრევენციის მიზნით უწყებათაშორისი სამთავრობო საბჭოს მიერ რეკომენდირებული ყველა ღონისძიება, ადგილობრივი თვითმმართველობის ორგანოები საგანგებო რეჟიმში მუშაობენ, როგორც დაავადების პრევენციის, ასევე სხვადასხვა მოწყვლადი ჯგუფების დასახმარებლად.
სიახლეები
- "თუ არ ხევ მანდატს და არ გადიხარ, ე.ი. პარლამენტის ლეგიტიმურობას აღიარებ?" - ვახტანგ ძაბირაძე
- "ხალხო, შევწყვიტოთ „ბალერინკობის“ თამაში, „ტროტუარზე არ ავიდეთ“, „სკამზე არ ავიდეთ“, მუდმივად ვიმეორებთ „კანონის ფარგლებში“, რომელი კანონის ფარგლებში, რომელიც აღარ არსებობს?! - საჭიროა სიმტკიცე, მიწოლა! " - მიხეილ სააკაშვილი
- მსხვერპლი მოჰყვა უკრაინის ქალაქ სუმიზე რუსული დრონებით შეტევას
- "მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ პასუხს ქუჩაში მათივე მხარდამჭერებისგან"- შალვა პაპუაშვილი ოპოზიციაზე
- "დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს" - შალვა პაპუაშვილი
