იმერეთში, საპილოტე რეგიონების ინტეგრირებული განვითარების პროგრამის (სრიგპ) ფარგლებში დაფინანსებულ პროექტებს სახელმწიფო რწმუნებული ზვიად შალამბერიძე, რეგიონული განვითარებისა და ინფრასტრუქტურის მინისტრის მოადგილე მზია გიორგობიანი და საქართველოში ევროკავშირის ოფისის პროექტების განყოფილების უფროსი სიგრიდ ბრეტელი ადგილზე გაეცნენ.
ქუთაისში, რუსთაველის გამზირზე გამწვანების პროექტი დაიწყო. პირველი სკოლისა და ცენტრალური ბაღის მიმდებარედ განახლდა გაზონები და დეკორატიული მცენარეები დაირგო.
ზუგდიდის ოზურგეთისა და ლანჩხუთის ოთხი სოფლის დროებითი ჩაკეტვის რისკი არსებობს.
ქუთაისში სრულად რეაბილიტირებული კოლეჯი „იბერია“ გაიხსნა.
ცაგერის მუნიციპალიტეტში მეწყრის ჩამოწოლის შედეგად 10-მდე ოჯახი გარესამყაროს მეოთხე დღეა მოწყვეტილია.
25 მარტს, ქუთაისში, გაეროს ადამიანის უფლებათა უმაღლესი კომისარიატის თბილისის ოფისის მხარდაჭერით, სასტუმრო „ბესთ ვესტრენში“, სსიპ იურიდიული დახმარების სამსახურის სამოქმედო გეგმის „შეზღუდული შესაძლებლობების მქონე პირთა უფლებების დაცვის“ წარდგენა გაიმართა.
პრეზენტაციას იმერეთის ტერიტორიაზე მოქმედი სახელმწიფო და არასამთავრობო ორგანიზაციების წარმომადგენლები ესწრებოდნენ, რომლებიც შეზღუდული შესაძლებლობების მქონე პირთა საკითხებზე მუშაობენ.
სსიპ იურიდიული დახმარების სამსახურის სამოქმედო გეგმა მომზადებულია იმ საკანონმდებლო ცვლილებების მიხედვით, რომელიც საქართველოს პარლამენტმა 2020 წელს მიიღო. ახალი კანონი „შეზღუდული შესაძლებლობის მქონე პირთა უფლებების შესახებ“. მნიშვნელოვნად აუმჯობესებს შშმ პირთა უფლებრივ გარანტიებს ეროვნულ დონეზე. აღნიშნული კანონის მიზანი შშმ პირთა სამართლებრივი მდგომარეობის მოწესრიგება, მათი უფლებებისა და თავისუფლებების დასაცავად საკანონმდებლო გარანტიების შექმნა და საქართველოს კანონმდებლობაში „შეზღუდული შესაძლებლობების მქონე პირთა უფლებების შესახებ“ გაერო-ს კონვენციის ძირითადი პრინციპებისა და ღირებულებების ასახვაა. ამისათვის კანონი ითვალისწინებს რიგ ვალდებულებებს სახელმწიფო უწყებების, მათ შორის, სსიპ იურიდიული დახმარების სამსახურის მიმართებით.
შეხვედრის ფარგლებში „შეზღუდული შესაძლებლობის მქონე პირთა უფლებების შესახებ“ კანონიდან გამომდინარე, იურიდიული დახმარების სამსახურის 2021 წლის სამოქმედო გეგმა ანალიტიკური სამმართველოს უფროსი დავით სიმონიამ წარადგინა.
შეხვედრის შესახებ FirstNews.ge-ს „იურიდიული დახმარების სამსახურის“ ანალიტიკური სამმართველოს უფროსი დავით სიმონია ესაუბრა:
„დღეს, ქალაქ ქუთაისში შეზღუდული შესაძლებლობის მქონე პირთა თემის წარმომადგენლებს შევხვდით. მათ გავაცანით იურიდიული დახმარების სამსახურის მიერ შემუშავებული სამოქმედო გეგმა, უფლებების დაცვისა და განხორციელების რეალიზებასთან დაკავშირებით.
სამსახური აქტიურად ითანამშრომლებს შშმ პირებთან და მათ აქტიურად ჩართავს ყველა იმ პროექტში რასაც განვახორციელებთ. ყველაზე მნიშვნელოვანი, რაც მოსახლეობამ უნდა იცოდეს 2020 წლიდან ძალაში შევიდა კანონი შშმ პირთა უფლებების დაცვის შესახებ და ამ კანონით გაიზარდა იურიდიული დახმარების სამსახურის მანდატი მათი უფლებების დაცვასთან დაკავშირებით. შესაბამისად, შშმ პირს ნებისმიერ დროს საშუალება ექნება გამოიყენოს იურიდიული სამსახურის სერვისები, ჩვენ გამოვუყოფთ მათ ადვოკატს და დავიცავთ მათ,“ - აღნიშნა დავით სიმონიამ.
შეხვედრაზე გაიმართა დისკუსია, რომელშიც იმერეთის რეგიონში მოქმედი ორგანიზაციების წარმომადგენლებმა დააფიქსირეს საკუთარი მოსაზრებები შშმ პირთა უფლებების დაცვის საკითხის გაუმჯობესებასთან დაკავშირებით.
ანალოგიური შეხვედრის გამართვა 26 მარტს თბილისშია დაგეგმილია.
შეხვედრების დასრულების შემდეგ იურიდიული დახმარების სამსახური გეგმავს გაითვალისწინოს შშმ პირთა უფლებადამცველი ორგანიზაციების მიერ გამოთქმული მოსაზრებები და სამოქმედო გეგმაში შესაბამისი ცვლილებები განახორციელოს.
სსიპ იურიდიული დახმარების სამსახურის მიერ მომზადებული „შეზღუდული შესაძლებლობების მქონე პირთა უფლებების დაცვის“ 2021 წლის სამოქმედო გეგმის საბოლოო ვარიანტი საქართველოს პარლამენტს წარედგინება .
