ძლიერი წვიმის შედეგად მარტვილის მუნიციპალიტეტის ადმინისტრაციულ ერთეულებში დაიტბორა საკარმიდამო მიწის ნაკვეთები. სტიქიამ ზიანი მიაყენა ადმინისტრაციულ ერთეულებში შიდა საუბნო გზებს.
ტყიბულის მუნიციპალიტეტის სოფელ კურსებში, გეოლოგიური სამუშაოები გრძელდება. სტიქიის ზონაში მეწყერი ისევ აქტიურია.
,,სტიქიის ზონაში კვლავაც რთული ვითარებაა. ადგილზე რჩებიან გეოლოგები, რომლებიც ახორციელებენ მონიტორინგს. ასევე, შინაგან საქმეთა სამინისტრო უსაფრთხოების მიზნით იცავს პერიმეტრს”, – ამის შესახებ იმერეთის მხარეში სახელმწიფო რწმუნებულმა ლევან ზალკალიანმა ტყიბულში მეწყრის შედეგად განვითარებულ მოვლენებზე საუბრისას განაცხადა.
მედიკოსების ინფორმაციით, ქუთაისში, ერთ-ერთ კლინიკაში ექიმს, სავარაუდოდ, კლინიკის დირექტორთან კონფლიქტი ჰქონდა, რის შემდეგად დანით თავის მოკლა სცადა.
ჩხოროწყუს მუნიციპალიტეტში მომხდარ ავარიას 21 წლის ახალგაზრდა ემსხვერპლა.
ავტოსაგზაო შემთხვევის შედეგად, დაშავდა კიდევ ერთი პირი.
როგორც ,,firstnews"-ს შს სამინისტროში განუცხადეს, ავტომობილი ხეს შეეჯახა – მძღოლი დაკავებულია.
უწყების ცნობით, მომხდარზე გამოძიება საქართველოს სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
