პოლიციამ სასტუმროში მისული "ნაციონალური მოძრაობის" წარმომადგენლების ნაწილი შენობიდან ძალის გამოყენებით გაიყვანა. ამ დროისთვის ისინი შენობიდან ოპოზიციის სხვა წარმომადგენლების, მათ შორის, საკრებულოს გარდაცვლილი დეპუტატის, ნუგზარ ფუტკარაძის დის გაყვანას ცდილობენ.

დაპირისპირებისას ნაზი ფუტკარაძე შეუძლოდ გახდა. ის მმართველი გუნდის თავმჯდომარისგან კონკრეტულ პასუხებს ითხოვს, რატომ გარდაიცვალა მისი ძმა და რატომ არ იძიებს საქმეს ხელისუფლება.

"პასუხი მინდა გამცენ, რატომ მოკლეს ნუგზარი და რატომ არ იძიებენ. ჯანმრთელი ძმა მიწაში რატომ ჩამიდეს. მხეცებო, მკვლელებო, ჯალათებო! ხალხს არ უნდიხართ, მოშორდით აქაურობას", - მიმართა მმართველ გუნდს ნაზი ფუტკარაძემ.