კალენდრის კონკურსის ,,ურჩიე მეგობარს, 12 თვე-12 წიგნი“ - გამარჯვებულების დაჯილდოება გაიმართა
დღეს, ქუთაისში კალენდრის კონკურსის ,,ურჩიე მეგობარს, 12 თვე-12 წიგნი“ გამარჯვებული კონკურსანტების დაჯილდოება გაიმართა. მოზარდებს მათივე ნამუშევრების საფუძველზე შექმნილი 2022 წლის კალენდრები და დიპლომები გადაეცათ. კონკურსი მიზნად ისახავს მოზარდებში წიგნის კითხვის პოპულარიზაციას.
პროექტი განხორციელდა ორგანიზაცია მომავლის განვითარების სახლთან არსებული არაფორმალური განათლების ცენტრის ,,წიგნიერების სამყაროს“ მიერ, იმერეთის განვითარების ცენტრთან და ქუთაისის საგანმანათლებლო რესურს ცენტრთან პარტნიორობით.
როგორც პროექტის ხელმძღვანელმა ეკატერინე კიკატუნიძემ FirstNews.ge - თან საუბარში განაცხადა, კონკურსმა მოზარდებში დიდი დაინტერესება გამოიწვია.
"შემოვიდა 50 -მდე ნამუშევარი. საკმაოდ ძნელი იყო მათგან 12 საუკეთესოს შერჩევა. მოზარდთა ინტერესიდან გამომდინარე დიდი სურვილი გვაქვს კალენდრის გამოცემა ყოველწლიურ ტრადიციად ვაქციოთ და ამით ჩვენი მოკრძალებული წვლილი შევიტანთ მათი განათლების საქმეში,"- აღნიშნა ეკატერინე კიკატუნიძემ.
პროექტის მონაწილეები სურვილს გამოთქვამენ, რომ ის სამომავლოდაც გაგრძელდეს.
"ძალიან საინტერესო პროექტში მომიწია ჩართვა, ხალისით ვასრულებდით ყველა დავალებას. ერთად ვკითხულობთ წიგნებს, ვმეგობრობთ. კარგი იქნება თუ მსგავსი პროექტები გაგრძელდება,"- განაცხადა პროექტის აქტიურმა მონაწილემ ანასტასია გელაშვილმა ჩვენთან საუბარში.
სიახლეები
- “პატრიარქის არჩევნები ეკლესიის შიდა საქმეა და ჩარევა არავინ არ უნდა სცადოს...” - სანდრო თვალჭრელიძე
- "ეს ძალიან სწრაფად დასრულდება, თუ იმას გააკეთებენ, რაც უნდა გააკეთონ - ჩემი ნება რომ იყოს, ნავთობს ავიღებდი, დავიტოვებდი და ბევრ ფულს ვიშოვიდით"
- საქართველოში შესაძლოა ახალი - C5 კატეგორიის ორდინალური ვიზა დაინერგოს
- "შუა დერეფანი გაივლის აზერბაიჯანსა და საქართველოს, რაც არის ერთ-ერთი ყველაზე მნიშვნელოვანი და უპირატესი არტერია"- ილჰამ ალიევი
- უცხოური ვალუტის ოფიციალური კურსი 7 აპრილისთვის
