"დედიკო, აქ ხომ ხეები არ არის და ამიტომ გაგიჟდები, ისეთი ლამაზი და დიდია აქედან ცა" - რას უყვება ციხიდან შვილს რუსუდან კერვალიშვილი
ჟურნალისტი ნინო დარასელი ციხეში მყოფ დედას - "ცენტრ პოინტის" დამაარსებელ რუსუდან კერვალიშვილს დედის დღეს სოციალურ ქსელში გამოქვეყნებული პოსტით ულოცავს:
"დედაჩემი 2 წელია არ მინახავს, მაია კი 3 წლის განმავლობაში მხოლოდ ვახოს ამბავზე ვნახე რამდენიმე საათით გამოსული. მათი ნახვის საშუალება მაქვს, მაგრამ არ ვნახულობ, არ მინდა იქ ვნახო, სადაც მათი ადგილი ნამდვილად არ არის.
რუსო ყოველდღე მირეკავს და იმის მაგივრად, რამეზე დაიჩივლოს, სულ კარგ ამბებს მიყვება და ფაქტიურად ჩემი პირადი ფსიქოთერაპიით არის დაკავებული.
მაგალითად, გუშინ მეუბნება: დედიკო, აქ ხომ ხეები არ არის და ამიტომ გაგიჟდები, ისეთი ლამაზი და დიდია აქედან ცა, რამდენჯერ იცვლის ფერს დღის განმავლობაში და რა საოცარი სანახავიაო (ხეები რომ არ არის და ზაფხულში პირდაპირი მნიშვნელობით რომ არ ისუნთქება, ვითომ არა უშავს), ჰო და პლუს აქ ციხის მაღაზიაში უცნაური ფერის სათვალეები ვიყიდე ფერადი შუშებით და იმით ვიხედები და სხვა ხალხიც ამყვა და გადასარევად ვერთობითო.
სულ ცოტა სევდიანი უნდა ყოფილიყო ეს ამბავი, მაგრამ რუსო ამის გზას არ მიტოვებს და მეცინება. დღეს დავაფიქსირე, რომ მეც არაერთხელ ავხედე ცას, რომელსაც რუსოც უყურებს და სულ სხვანაირად ლამაზი მომეჩვენა. ჰოდა, აი ახლაც მორიგი გახედვისას ფანჯრიდან ბრჭყვიალა ვარსკვლავის გამოჩენაზე გამახსენდა, რომ 2 წლის წინ ამ დროს ჩვენი პატარა მანათობელი თრინითი რჩეულიშვილი დაიბადა. ვუსურვებ მას ბევრ სიხარულს, სიყვარულს და უღრუბლო ცას".
სიახლეები
- "საკონსტიტუციო უმრავლესობის მოპოვების შემთხვევაში, მზად ვართ მართლმადიდებელი ეკლესიის განსაკუთრებული როლი კონსტიტუციაშიც ავსახოთ" - ბიძინა ივანიშვილი
- "ქართველი ხალხი სულელი არ არის, არცერთი პატრიოტი ამ მოღალატეებისთვის ხმის მიცემას არ აპირებს და, რა თქმა უნდა, ეს კვლევებშიც ჩანს"
- "დღეს თეთრზე გვეუბნებიან, რომ შავია, როდესაც არ ვეთანხმებით, გვაშანტაჟებენ სანქციებით, ვიზალიბერალიზაციისა და ევროინტეგრაციის პროცესის შეჩერებით"
- "მნიშვნელოვანია, „ქართულმა ოცნებამ“, საკონსტიტუციო უმრავლესობა მოიპოვოს და დღის წესრიგში დააყენოს „ნაცმოძრაობის“ გასამართლების საკითხი - პირობას გაძლევთ, ამ პროცესს წინ ვერაფერი დაუდგება!"
- "არცერთი პედაგოგი არ დარჩა სისტემაში, ვისაც ხელფასი არ გაზრდია, ამიტომ ეს ვერ იქნებოდა ჩემი გადადგომის მიზეზი" - გიორგი ამილახვარი