„23 აპრილს წიგნის ჩუქების დღე დავაწესოთ“ – გიორგი კეკელიძისა და „ანაგრამას“ ინიციატივა
ინიციატივა, 23 აპრილს წიგნის ჩუქების დღე დაწესდეს, საქართველოს პარლამენტის ეროვნული ბიბლიოთეკის დირექტორს, გიორგი კეკელიძესა და „ანაგრამას“ ეკუთნის. #აჩუქეწიგნი – ეს კამპანიის მთავარი გზავნილია.
ინიციატივის მთავარი მიზანი, ქვეყანაში წიგნისა და წიგნიერების პოპულარიზაციაა.ინიციატივის მთავარი მიზანი, ქვეყანაში წიგნისა და წიგნიერების პოპულარიზაციაა.
„23 აპრილს, მსოფლიოში, წიგნთან და წიგნიერებასთან რამდენიმე მოვლენა ერთად არის დაკავშირებული: ეს არის წიგნისა და საავტორო უფლებების საერთაშორისო დღე, შექსპირისა და სერვანტესის გარდაცვალების დღე. ვიფიქრეთ, იქნებ, სწორედ ამ დღეს დაგვეწესებინა ძალიან ძვირფასი და თანაც, მარტივი ტრადიცია – წიგნის ჩუქების დღე. წიგნის ჩუქება ყველა საჩუქარს ერთად მოიცავს: ცოდნასაც და განცდასაც, სიხარულსაც და ტკივილის გაძლების სწავლსაც, ნივთს, ჩაფიქრებას, დაკვირვებას, ამ დაკვირვებით გაკვირვებას. წიგნი კაცობრიობის მეხსიერების ჯამია, ისეთივე გამოცდილება, როგორიც მე და შენ გვაქვს. ამ ინიციატივის მიზანია წიგნისა და წიგნიერების პოპულარიზაცია. ეროვნული ბიბლიოთეკის მთავარი ფუნქციაც ხომ სწორედ ეს არის“, – ამბობს გიორგი კეკელიძე.
„ანაგრამაში“ ამბობენ, რომ ეს ინიციატივა ძალიან მნიშვნელოვანია.
„ჩვენთვის, „ანაგრამელებისთვის“ ასეთი ინიციატივები განსაკუთრებით მნიშვნელოვანია. ვფიქრობთ, რომ განათლების საკითხი უმთავრესი პრობლემაა ქვეყანაში და ამ მიმართულებით მრავალმხრივი მუშაობა აუცილებელია. ცხადია, ეს ინიციატივა სიმბოლური აქტივობაა, რომლითაც გვინდა სახალისო ფორმით შევახსენოთ ადამიანებს, რომ ხანდახან მაინც, ასეთი საჩუქრის გაკეთება სასარგებლოა და რომ ერთი ნაჩუქარი წიგნი ბევრი ახალი აღმოჩენის მიზეზადაც შეიძლება იქცეს“, – ამბობს თაკო როდონაია.
23 აპრილამდე კი, ინიციატივის ავტორები, საზოგადოებას, სპეციალურ კამპანიას სთავაზობენ.
„მოსაფიქრებლად მთელი თვე გაქვთ. მანამდე კი, ეს ამბავი მეგობრებს გაუზიარეთ, თანაც კომენტარებში თქვენი საჩუქრის ადრესატი შეგიძლიათ მონიშნოთ, თუ ამის საიდუმლოდ დატოვებას არ აპირებთ, გზავნილით #აჩუქეწიგნი“ – ამბობს გიორგი კეკელიძე.
წყარო: marketer.ge
სიახლეები
- "საკონსტიტუციო უმრავლესობის მოპოვების შემთხვევაში, მზად ვართ მართლმადიდებელი ეკლესიის განსაკუთრებული როლი კონსტიტუციაშიც ავსახოთ" - ბიძინა ივანიშვილი
- "ქართველი ხალხი სულელი არ არის, არცერთი პატრიოტი ამ მოღალატეებისთვის ხმის მიცემას არ აპირებს და, რა თქმა უნდა, ეს კვლევებშიც ჩანს"
- "დღეს თეთრზე გვეუბნებიან, რომ შავია, როდესაც არ ვეთანხმებით, გვაშანტაჟებენ სანქციებით, ვიზალიბერალიზაციისა და ევროინტეგრაციის პროცესის შეჩერებით"
- "მნიშვნელოვანია, „ქართულმა ოცნებამ“, საკონსტიტუციო უმრავლესობა მოიპოვოს და დღის წესრიგში დააყენოს „ნაცმოძრაობის“ გასამართლების საკითხი - პირობას გაძლევთ, ამ პროცესს წინ ვერაფერი დაუდგება!"
- "არცერთი პედაგოგი არ დარჩა სისტემაში, ვისაც ხელფასი არ გაზრდია, ამიტომ ეს ვერ იქნებოდა ჩემი გადადგომის მიზეზი" - გიორგი ამილახვარი