დიალიზის კაბინეტი ფოთში რამდენიმე დღეში მიიღებს პაციენტებს - ჯანდაცვის სამინისტრო
ჯანდაცვის სამინისტროს ინფორმაციით ფოთში, დიალიზის ახალი კაბინეტი ფუნქციონირებას რამდენიმე დღეში დაიწყებს, რასაც სახელმწიფო უზრუნველყოფს. ამის შესახებ ცნობილი გახდა, ფოთში პაციენტებთან გამართული შეხვედრის შემდეგ, რომლის თაობაზევ ინფორმაციას უწყების პრესსამსახური ავრცელებს.
პაციენტებს ჯანდაცვის მინისტრი მიხეილ სარჯველაძე, დეპუტატი გიორგი ხახუბია და სამეგრელო-ზემო სვანეთის სახელმწიფო რწმუნებული გიორგი გუგუჩია შეხვდნენ.
ჯანდაცვის სამინისტროს თანახმად ფოთის მუნიციპალიტეტში, ბენეფიციარები, დიალიზის სერვისით 2021 წლიდან სარგებლობდნენ, თუმცა ლიცენზიის მქონე კლინიკა „ბომონდმა“, 12 ივნისს, თვითნებურად შეწყვიტა პაციენტებისთვის სასიცოცხლოდ მნიშვნელოვანი მომსახურების მიწოდება.
შეხვედრაზე, გადაწყდა, რომ „უმოკლეს დროში, ბენეფიციარები, კვლავ შეძლებენ სერვისით ადგილზე, ქალაქიდან გაუსვლელად სარგებლობას. მანამდე კი, პაციენტები, უახლოეს მუნიციპალიტეტში მიიღებენ სამედიცინო მომსახურებას და მათ ტრანსპორტირებას ფოთის მერია უზრუნველყოფს.“
ამჟამად, ფოთის მუნიციპალიტეტში, დიალიზის სერვისს 22 პაციენტი იღებს.
კლინიკა “ბომონდში” უარყოფენ ინფორმაციას, რომ მათ სამინისტროსთან შეუთანხმებლად, შეწყვიტეს პაციენტებისთვის სასიცოცხლოდ მნიშვნელოვანი მომსახურების მიწოდება.
სიახლეები
- “ბატონო ელჩებო! ჩვენს კომისიაზე არის ადგილი, დაბრძანდით, უსმინეთ და შემდეგ გააკეთებთ ინფორმირებულ შეფასებებს, თუ ვინ იყო მიხეილ სააკაშვილი“ – თეა წულუკიანი
- “თუ მეკითხებით, როგორია ჩვენი პოზიცია, ვემზადებით ამ არჩევნებისთვის” - ლილუაშვილი თვითმმართველობის არჩევნებზე
- “ძალადობრივ ექსტრემიზმს ერთი სახე აქვს ლოს-ანჯელესშიც, ბერლინშიც, პარიზშიც და თბილისშიც; ნიღაბი ერთნაირად მალავს მოძალადეების სახეს, “მოლოტოვის კოქტეილი” ერთნაირად წვავს პოლიციელებს” – პაპუაშვილი
- “ნახეს, რომ საქართველოში სისხლისღვრა ვერ მოხდა და „ლელომ“ რევოლუციის მანტიას პოლიტიკოსის მანტია არჩია” - ვოლსკი “ნაცმოძრაობაზე”
- “კოტე იოსელიანის გატაცების მიზანი თინა ბოკუჩავაზე ზემოქმედების მოხდენა იყო” - წითლაძე
