კლიმატის ცვლილების ძირითად მიზეზად მეცნიერული კვლევების საფუძველზე სახელდება სათბურის გაზების ემისიები სახელდება. კვლევამ აჩვენა, რომ ემისიების თვალსაჩინო წყაროდ წარმოდგენილია ენერგეტიკის სექტორი მასში შემავალი ტრანსპორტის ქვესექტორის ჩათვლით.

ასევე, აღსანიშნავია ის ფაქტი, რომ მსოფლიო მოსახლეობის ზრდასთან ერთად იზრდება მოთხოვნა ენერგიაზე. ჩვენი ყოველდღიურობა კი უკვე წარმოუდგენელია ელექტრონული მოწყობილობების, სატრანსპორტო საშუალებების, ინტერნეტის თუ კომფორტულად მოწყობილი საცხოვრებელი სახლების გარეშე, რომელთა ფუნქციონირებისათვის უზარმაზარი ენერგიაა საჭირო.

როგორც ცნობილია, განახლებადი ენერგიის მთავარი უპირატესობა არის ის, რომ ის ამოუწურავია, განსხვავებით წიაღისეული რესურსებისგან (ნავთობი, ქვანახშირი და სხვა) ამავე დროს, განახლებადი ენერგიის მოპოვება გარემოს ნაკლებ ზიანს აყენებს, შესაბამისად, ასეთი სახის ენერგია გვაძლევს საშუალებას დავაკმაყოფილოთ გაზრდილი მოთხოვნა ენერგიაზე ისე, რომ გარემოს მინიმალური ზიანი მივაყენოთ.

- როგორი გავლენა აქვს ენერგეტიკის სფეროს კლიმატის ცვლილებაზე? ამ და სხვა საკითხებზე Firstnews.ge ESCO-S-ის დამფუძნებელს ზაალ ხელაძეს ესაუბრა:

- ჯერ ვისაუბროთ რით არის კლიმატის ცვლილება გამოწვეული? ეს ოზონის ფენაში სიმკვრივის ცვლილებით არის გამოწვეული. ოზონის ფენაში სიმკვრივის ცვლილებას ცუდი გაზების ემისიები იწვევს. ეს გაზები კი გამოიყოფა სხვადასხვა წვის შედეგად და შემდეგ იქმნება ენერგეტიკული ენერგია. ენერგეტიკული კომპონენტები, წარმოადგენს წვის შედეგებს და ახდენს გარემოზე ზემოქმედებას. შენობებისა და ინდუსტრიული სექტორი საკმაოდ დიდი რაოდენობით მოიხმარს ამ ენერგიებს. აქედან გამომდინარე, გავლენაც დიდია, დაახლოებით 37% შენობების სექტორის ზეგავლენაა, გამონაბოლქვები მანქანიდან კი 40%-ს შეადგენს. შესაბამისად, კლიმატის ცვლილებაზე ენერგეტიკული სექტორის გავლენა მნიშვნელოვანია.

- განახლებადი ენერგიის როლზე რას გვეტყვით?

- ახლა ვისაუბროთ ენერგეტიკული ვამპირების შემცირებაზე. როგორც ვთქვით, წვის შედეგად გამოყოფილი გაზი ატმოსფეროში ადის და ახდენს ზემოქმედებას ოზონის ფენაზე. მაგრამ ისეთი გზით წარმოება ენერგიის, რომელიც არ ახდენს გავლენას და ამ გაზებს აკომპენსირებს, არის განახლებადი ენერგია, მეტად მზის ენერგია. მზის ენერგია ითვლება სუფთა ენერგიად, რადგან მის შედეგად არ ხდება წვა და გაზების ემისია, არ ხდება დაბინძურება და კლიმატის ცვლილება. ასეთივეა ქარის ენერგია, ასევე, ნარჩენების შედეგად მიღებული ენერგია, ასევე - ბიომასა.

ამის გამოა, რომ მთელს მსოფლიოში გვაქვს ტრენდები, რომლებიც დაკავშირებულია მზის, ქარის და ბიომასის ენერგიასთან, ნარჩენების უტილიზაციასთან.

- ამ შემთხვევაში საქართველოს რა პერსპექტივა აქვს, რომ ამ ტრენდებს აუწყოს ფეხი?

- საქართველოში დიდი პერსპექტივა გვაქვს. ჩვენ მემკვიდრეობით შეგვხვდა ისეთი შენობების სექტორი და ინდუსტრია, რომლებიც პრაქტიკულად არ ითვალისწინებენ გარემოს ზემოქმედების გავლენის შემცირებას, აქედან გამომდინარე, ჩვენი შენობათა სექტორი არის მონსტრი, მზის ენერგიებს მოიხმარს და საჭიროებს ენერგოეფექტურობას, რომ შემცირდეს ენერგიები. ორი მიმართულება გვაქვს : ერთი- მოხმარებაში ეკონომია და მეორე - ადგილზე ენერგიის წარმოების, ისე, რომ ეს იყოს სუფთა ენერგია.

პირველ რიგში, ჩვენ უნდა ვაწარმოოთ მოხმარების შემცირება, ანუ ენერგოეფექტიანი ღონისძიება, სადაც ჩვენ გვაქვს 70-80% რესურსი, იმისი, რომ მოვახდინოთ შემცირება და ამის შემდეგ, უნდა მოვახდინოთ ენერგიის ადგილზე წარმოება. შორიდან არ მოვიტანოთ ენერგიები და არ მოვიხმაროთ ისეთი ენერგიები, რომლებიც არ არის სუფთა. რაც შეეხება, წარმოებაში, აქაც იგივე სიტუაცია გვაქვს, უნდა ვაწარმოოთ ისე, რომ უნარჩენოდ ვიმუშაოთ და გამოვიყენოთ ენერგოეფექტიანი ტექნოლოგიები. ეს საქართველოსთვის ნამდვილად გამოწვევაა.

- როგორ შევარბილოთ კლიმატის ცვლილებები? რა რეკომენდაციებს გასცემთ?

- შერბილება უფრო ძვირადღირებული პროცესია, ვიდრე შეგუება, ადაპტაცია. შერბილება შეიძლება განვახორციელოთ ტყის მასივების გაშენებით, ჩვენ ხომ ვიცით, რომ მცენარეები ნახშირორჟანგის გადამუშავებით გვაძლევენ ჟანგბადს, ეს ერთ-ერთი ძირითადი შემარბილებელი კომპონენტია. ამიტომ უნდა გავუფრთხილდეთ ტყის მასივებს და მცენარეული რესურსები გავზარდოთ.

ავტორი: ნინო ოთარაშვილი