"ჩინეთიდან თურქეთში ევაკუირებულ საქართველოს მოქალაქეებს, წინასწარი მონაცემებით, კორონავირუსი არ დაუდასტურდათ"
თურქეთში საქართველოს ელჩის, გიორგი ჯანჯღავას განცხადებით, ჩინეთიდან თურქეთში ევაკუირებულ საქართველოს მოქალაქეებს წინასწარი მონაცემებით, კორონავირუსი არ დაუდგინდათ.
როგორც „ინტერპრესნიუსს“ ჯანჯღავამ განუცხადა, ისინი ჯერ კიდევ დაკვირვების ქვეშ იქნებიან და ოფიციალური პასუხი ხვალ გახდება ცნობილი.
„ამ ეტაპზე კორონავირუსი არ არის დადასტურებული, მაგრამ საბოლოო პასუხი იქნება ხვალ, წინასწარი მონაცემებით, დადასტურებული არ არის, მაგრამ მიუხედავად ამისა, მაინც დააკვირდებიან, ეს ხომ ისეთი ავადმყოფობაა, რომელიც ნაკლებად შესწავლილია, ამიტომაცაა, საინკუბაციო პერიოდი საჭირო, რომ იქ იყვნენ და ამ პერიოდში კიდევ დამატებითი გამოკვლევები ჩაუტარდებათ“,- განაცხადა ჯანჯღავამ.
ცნობისთვის, საქართველოს მოქალაქეები თურქული თვითმფრინავით ანკარაში გუშინ საღამოს ჩაფრინდნენ, სადაც ისინი ერთ-ერთ კლინიკაში მოათავსეს.
სიახლეები
- "ერთადერთ რამეს ვთხოვ პოლიტიკურ პარტიებს, ერთმანეთის ლანძღვა ცოტა გააჩერონ" - პრეზიდენტი
- "პრეზიდენტი დიდ ეროვნულ საქმეს ეწევა ევროპული მომავლის გადასარჩენად, მაგრამ ამ ბრძოლაში იმ ადამიანის ციხეში მივიწყება, რომელმაც ქვეყანას ევროპის კარი გაუხსნა, გაუმართლებლად მიმაჩნია"
- " აფხაზეთში არ ვიმყოფები, რამდენიმე დღით მოსკოვში მივფრინავ" - ასლან ბჟანია
- მართლმადიდებელი ეკლესია გიორგობას აღნიშნავს
- "დასავლეთის შორ მანძილზე მოქმედი რაკეტებით რუსეთის ტერიტორიაზე დარტყმებმა უკრაინაში მიმდინარე კონფლიქტს გლობალური სახე მისცა"
