„თავს დაცულად არავინ გრძნობს, არც მე“- თურქეთში მცხოვრები ქართველი ემიგრანტი
თურქეთში კორონავირუსით ინფიცირებულთა რიცხვი 24 საათში გაორმაგდა.
ამჟამად თურქეთის ტერიტორიაზე ინფიცირებულთა რიცხვი 670-ს აღწევს. ამის შესახებ განცხადება თურქეთს ჯანდაცვის მინისტრმა, ფაჰრეტინ კოჩამ „ტვიტერით“ გააკეთა. მისივე თქმით, გარდაცვლილია 9 ადამიანი.
თურქეთის ჯანდაცვის სამინისტროს ცნობით, ბოლო 24 საათში ტესტი 3 656 მოქალაქეს ჩაუტარდა, მათგან 311-ს კოვიდ-19 გამოუვლინდა.
FirstNews.ge თურქეთში მცხოვრებ ქართველ ემიგრანტს ესაუბრა. 39 წლის ელენე მაისურაძე უკვე 9 წელია თურქეთში, კერძოდ კი ქალაქ უნიეში, ორდუსის პროვინციასთან ახლოს ცხოვრობს.
მისი თქმით, ქალაქში ყოველდღე სავაჭრო ცენტრები და საზოგდოებრივი თავშეყრის ადგილები იკეტება.
„აქ დაახლოებით 30 ადამიანია კარანტინში, გარდაცვლილია -1 ერთი, 61 წლის მოქალაქეა. სხვადასხვა ობიექტებს ყოველდღე უტარდება დეზინფექცია. თუმცა, თურქეთის სხვა ქალაქებთან შედარებით, ხალხი უფრო მეტად მოძრაობს და უფრო ნაკლები ობიექტები იკეტება. ასევე, არ იგრძნობა საკვები პროდუქტების ნაკლებობა.
თურქეთის დიდ ქალაქებში უფრო რთული სიტუაციაა. პანიკა იგრძნობა აშკარად. აქაც ხალხი ცდილობს არ დატოვონ ქალაქი, თუ რამე აუცილებელი საქმე არ აქვთ.თავს დაცულად არავინ გრძნობს და არც მე.რა თქმა უნდა, მაქვს ყველანაირი რესურსი იმისათვის, რომ თურქეთში დავრჩე, რადგან აქ ვარ გათხოვილი და აქვე ვმუშაობ,“- აცხადებს ელენე მაისურაძე ჩვენთან საუბარში.
სიახლეები
- ზოდიაქოს 3 ნიშანი, რომლებსაც 2024 წლის ოქტომბერი მნიშვნელოვან ცვლილებებს უმზადებს
- "სერგეი ლავროვის განცხადება პოზიტიურია, თუმცა ამ განცხადებებთან ერთად კარგი იქნებოდა პარალელურად ქმედითი ნაბიჯების გადადგმა, როგორიცაა საქართველოს ტერიტორიიდან ჯარის გაყვანა"
- "არსად არ იგრძნობა გამარჯვება ისე, როგორც სამშობლოში" - მერაბ დვალიშვილი
- "ლავროვის განცხადება არის დაცინვა!" - სერგო ჩიხლაძე
- "სუფლიორი“ რომ გაითიშოს, რა აქვს სათქმელი ბიძინა ივანიშვილს ქართველ ხალხთან? - რა დაპირება აქვს „ქართულ ოცნებას“?"