აქამდე მოქმედი რეგულაციით ეს რაოდენობა ექვსით არის განსაზღვრული. განკარგულებას ხელი უკვე მოეწერა. დახურულ სივრცეებში ექვსკაციანი შეზღუდვა ძალაში რჩება.

მოთხოვნები ღია სივრცის მქონე საზოგადოებრივი კვების ობიექტებისთვის:

• ღია სივრცეში უზრუნველყოფილი უნდა იყოს მაგიდების და დასაჯდომი ადგილების ადგილების განლაგება შემდეგი მოთხოვნების გათვალისწინებით: მომხმარებელთა მაგიდებს შორის დაცული უნდა იყოს უსაფრთხო მანძილი, არანაკლებ 2 მეტრისა;

• სკამების საზურგეებს შორის მანძილი - არანაკლებ 1 მეტრისა;

• ერთ მაგიდასთან უნდა მოთავსდეს არაუმეტეს 12 მომხმარებელი;

• დამატებით, გამონაკლისის სახით შესაძლებელია 12 წლამდე მოზარდის ერთ მაგიდასთან განთავსება;

• იმ შემთხვევაში თუ ვერ ხერხდება 2 მეტრიანი უსაფრთხო დისტანციის დაცვა, შესაძლებელია გამოყენებულ იქნას დროებითი დამცავი ბარიერი;

• გამასპინძლებისას უნდა გამოიყენონ ინდივიდუალური გამასპინძლების მეთოდი;

• სასმელებით მომსახურების სივრცეში (ბარი), ბარმენებთან მომხმარებლების პირდაპირი კონტაქტის თავიდან აცილების მიზნით, სასმელით მომსახურება უზრუნველყოფილი უნდა იყოს ინდივიდუალურად, მაგიდასთან მიტანის სერვისით;

• უზრუნველყოფილი უნდა იყოს შენობების გარეთ მაგიდებსა და საფეხმავლო სივრცეს შორის უსაფრთხო დისტანციის დაცვა.

ახალი წესები ჯანდაცვის სამინისტროს ვებგვერდზე ხვალ გამოქვეყნდება. ტელეკომპანია "იმედმა" ექსკლუზიურად მოპოვებული რეკომენდაციები გაასაჯაროვა.