ამის შესახებ განმარტება მან ჯანდაცვის მინისტრისა და კლინიკური ჯგუფის შეხვედრის შემდეგ გააკეთა. 

მისი ინფორმაციით, აღნიშნული შეზღუდვები, ეპიდვითარების შესაბამისად შესაძლოა, გაფართოვდეს, ამ ეტაპზე სრული ლოკდაუნის გამოცხადება არ განიხილება.

„ჟღერდება რეკომენდაციები საკოორდინაციო საბჭოზე, რომელიც კონსესუსის წესით იღებს შემდეგ გადაწყვეტილებებს. ნაწილობრივი ლოკდაუნი და წერტილოვანი შეზღუდვები ქვეყანაში არის, რომელიც დიდი ალბათობით, ეპიდსიტუაციიდან გამომდინარე შეიძლება, კიდევ გაფართოვდეს, მაგრამ ამ ეტაპზე სრული ლოკდაუნი არ განიხილება“, – აღნიშნა გამყრელიძემ.

როგორ გამყრელიძემ აღნიშნა, სრულ ლოკდაუნს შემოდგომაზე მსოფლიოს არცერთმა ქვეყანამ აღარ მიმართა. 

"ჩვენ გვაქვს ახლა ნაწილობრივი ლოკდაუნი, როცა ღამე აიკრძალა ქვეყანაში 22:00 საათიდან დილის 05:00 საათამდე გადაადგილება, ეს გახლავთ ნაწილობრივი, ანუ წერტილოვანი ლოკდაუნი. სრული ლოკდაუნი რამდენჯერმე გაჟღერდა. დიდი ალბათობით, არც ერთ ქვეყანას სრული ლოკდაუნი უკვე შემოდგომის ტალღაზე აღარ გამოუყენებია და ძირითადად, არის მაინც პოლიტიკა და სტრატეგია ე.წ. წერტილოვანი შეზღუდული ან გაფართოებული შეზღუდვების და ამას ვირჩევთ ეპიდსიტუაციის მიხედვით.

ბელგიამ, ჩეხეთმა, რამდენიმე ქვეყანამ მიმართა უფრო მკაცრ ღონისძიებებს, მაგრამ თქვენ კარგად იცით, რომ ჩვენ არც ბელგია ვართ, არც საფრანგეთი და არც ჰოლანდია. ჩვენ ეკონომიკურად ბევრად ნაკლებად განვითარებული ვართ, ვიდრე ეს ქვეყნები.

გარდა ამისა, ჩვენ ვართ ახლა პოლიტიკურ პროცესში და რეგიონში იყო სერიოზული ომი,“ - განაცხადა გამყრელიძემ.