17 იანვარს დასავლეთ საქართველოს მაღალმთიან რეგიონებში მოსალოდნელია თოვლი, ზოგან ძლიერი, ქარბუქი, გზებზე ლიპყინული, - ამის შესახებ ინფორმაციას გარემოს ეროვნული სააგენტო ავრცელებს.
ფეხბურთის საერთაშორისო ფედერაციის (FIFA) თანახმად, 2023 წლის საუკეთესო ფეხბურთელად აღიარებულია აშშ-ის კლუბ „ინტერ მაიამისა“ და არგენტინის ნაკრების თავდამსხმელი ლიონელ მესი. ამის შესახებ ორშაბათს გამოაცხადეს ლონდონში გამართულ ცერემონიაზე The Best FIFA Football Awards. მესისთვის ეს უკვე მესამე ასეთი პრიზია. თავად ფეხბურთელი ცერემონიას არ ესწრებოდა, მის მაგივრად ჯილდო მიიღო ღონისძიების თანაწამყვანმა, ყოფილმა ფეხბურთელმა, ფრანგმა ტიერი ანრიმ.
შინაგან საქმეთა სამინისტროში აცხადებენ, რომ გრძელდება კაცის ძებნა, რომლის დაკარგვის შესახებაც სოციალურ ქსელში 15 იანვარს გაავრცელა ინფორმაცია მისმა ცოლმა.
დღეს ვთხოვოთ უფალს, შეგვეწიოს, რომ აი, ამ ახალ წელს გამოვსწორდეთ, აღარ ვცოდოთ და ვიცხოვროთ უფლისთვის სათნო ცხოვრებით... ჩვენი ხალხიც სულიერად უფრო ამაღლდეს, - ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი)სულთმოფენობიდან 32-ე კვირას, მაცხოვრის წინადაცვეთის დღესასწაულზე ქადაგებისას განაცხადა.
ქუთაისში საქართველოს სახელმწიფო დროშის დღე აღინიშნა.
საპატრიარქო ტაძარში ხატზე საღებავის შესხმის ფაქტი არის ეკლესიის დარბევის ერთგვარი სახე და იმეორებს ბოლშევიკური წარსულის გამოცდილებას. მისი სათანადოდ (ვანდალიზმად და ღვთისმსახურების ხელის შეშლად) არშეფასება სახიფათო პრეცედენტია მსგავსი ქმედებების წახალისებისთვის, - ამის შესახებ საქართველოს საპატრიარქოს მიერ გავრცელებულ განცხადებაშია ნათქვამი.
ამასთან, განცხადებაში აღნიშნულია, რომ ეს ყოველივე მორწმუნეთა სამართლიან აღშფოთებას იწვევს, თუმცა მნიშვნელოვანია, პროტესტი მშვიდობიანი ფორმით წარიმართოს და არ მოხდეს მისი პოლიტიკურ ჭრილში გადატანა.
„კიდევ ერთხელ გამოვხატავთ პოზიციას მიმდინარე მოვლენებთან დაკავშირებით და ხაზგასმით აღვნიშნავთ, რომ საპატრიარქო ტაძარში ხატზე საღებავის შესხმის ფაქტი არის ეკლესიის დარბევის ერთგვარი სახე და იმეორებს ბოლშევიკური წარსულის გამოცდილებას. მისი სათანადოდ (ვანდალიზმად და ღვთისმსახურების ხელის შეშლად) არშეფასება სახიფათო პრეცედენტია მსგავსი ქმედებების წახალისებისთვის.
