დიდ ბრიტანეთში, ონკოლოგიური კვლევების ინსტიტუტის მედიკოსებმა, უცხოელ კოლეგებთან ერთად მკერდის კიბოს მკურნალობის ახალი მეთოდი გამოცადეს, რამაც დადებითი შედეგი აჩვენა. New England Journal of Medicine-ში გამოქვეყნებული ნაშრომის მიხედვით, კვლევის ფარგლებში მეცნიერებმა Olaparib-ის სახელით ცნობილი მედიკამენტის გამოყენება გადაწყვიტეს, რომელიც ექსპერიმენტის მონაწილე ქალებს ქიმიოთერაპიის კურსის გავლის შემდეგ ერთი წლის განმავლობაში დაუნიშნეს. მკერდის სიმსივნე BRCA1 და BRCA2 გენების მუტაციით არის გამოწვეული, ხშირად მწვავე ფორმით ვლინდება და განკურნების მიუხედავად ზოგჯერ ხელახლა იჩენს თავს. ცდის დროს გამოყენებული პრეპარატი სიმსივნურ უჯრედებს დნმ-ის აღდგენის საშუალებას არ აძლევს, რასაც მოლეკულის PARP შესუსტების გზით აღწევს. შედეგად, კიბოს უჯრედები სიცოცხლისუნარიანობას კარგავენ და ფუნდამენტურად ნადგურდებიან.
ორწლინახევრიანი ექსპერიმენტის შედეგებმა Olaparib-ის ეფექტიანობა დაამტკიცა. უფრო კონკრეტულად, აღნიშნული მედიკამენტის წყალობით 921 ცდისპირიდან 85.9% სრულად განიკურნა. იმ პაციენტებში კი, რომლებმაც პრეპარატის ნაცვლად პლაცებო მიიღეს, ამ მაჩვენებელმა 77% შეადგინა. კვლევის პარამეტრებმა აჩვენა, რომ კიბოს დაბრუნების რისკი ჯამში 42%-ით შემცირდა. ანალოგიური მონაცემები დაფიქსირდა ორგანიზმში მეტასტაზების გავრცელების მხრივაც.
მიღებულ შედეგებს მეცნიერები იმედისმომცემად აფასებენ, მათი თქმით, ეს მკერდის კიბოს დამარცხებისკენ გადადგმული ნაბიჯია.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 31 409 ტესტი, გამოვლინდა ინფიცირების 832 ახალი შემთხვევა, გამოჯანმრთელდა 624 პირი, დადებითობის დღიური მაჩვენებელი არის 2.65 %.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, კონკრეტულ ვაქცინებზე ასაკობრივი შეზღუდვა აღარ იქნება და ნებისმიერი მათგანის გამოყენება უკვე 18 წლის ზემოთ დასაშვები იქნება.
დღეს იმერეთის რეგიონული ჰაბის პროექტის პრეზენტაცია გაიმართა.
იმერეთის რეგიონული ჰაბის მიზანია, რეგიონის დონეზე სამოქალაქო საზოგადოების გაძლიერება, რაც მიღწეული იქნება სამოქალაქო საზოგადოების ორგანიზაციების მდგრადობის შენარჩუნების, გამჭვირვალობისა და ანგარიშვალდებულების ხარისხის ზრდის უზრუნველყოფის გზით.
პრეზენტაციას დაესწრნენ იმერეთის რეგიონის სამოქალაქო საზოგადოების ორგანიზაციების, მედიის, თვითმმართველობის, ბიზნესის წარმომადგენლები, ახალგაზრდები და სამოქალაქო ლიდერები.
შეხვედრაზე მოწვეული საზოგადოება გაეცნო როგორც რეგიონული ჰაბის და ასევე პროექტის ,,სამოქალაქო საზოგადოების ინიციატივა“ განმხორციელებელი კონსორციუმის წევრი ორგანიზაციების მიერ დაგეგმილ აქტივობებს.
ღონისძიება ორგანიზებული იყო ადგილობრივი დემოკრატიის სააგენტო (LDA) საქართველოს მიერ, ,,სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის“ პროექტის ფარგლებში, რომელიც დაფინანსებულია ევროკავშირისა და კონრად ადენაუერის ფონდის მიერ.
პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით. შემდეგ არასამთავრობო ორგანიზაციასთან ერთად: საქართველოს სტრატეგიული კვლევებისა და განვითარების ცენტრი (CSRDG), სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი(CTC), განათლების განვითარების და დასაქმების ცენტრი (EDEC), და ევროპული პოლიტიკის ინსტიტუტი (IEP).
სამედიცინო და ფარმაცევტული საქმიანობის რეგულირების სააგენტო ნინოწმინდის ბავშვთა პანსიონში სალიცენზიო პირობებს ამოწმებს. ამის შესახებ სააგენტო განცხადებას ავრცელებს.
