"რა სამარცხვინოა, მომღერლებს, ზოგადად ხელოვან ადამიანებს პოლიტიკური ნიშნის მიხედვით რომ ახასიათებენ.

ამ ქვეყანაში ვერც ლექსი დაგიწერია და ვერც გიმღერია იმის შიშით, რომ ვინმეს პარტიაში არ ჩაგწერონ.

რა სამარცხვინოა, როდესაც გემოვნების და განსხვავებული აზრის გამო შეგიძლია ადამიანს ისეთი შეურაცხყოფა მიაყენო, რომ ამით საკუთარი თავი საბოლოოდ დაისამარო.

ჩემი უკიდურესი ნდობა ჩემს ულამაზეს, უკეთილშობილეს, უნიჭიერეს ნათია თოდუას, რომელმაც აფხაზეთისთვის უფრო მეტი გააკეთა ვიდრე ნებისმიერმა პოლიტიკოსმა, ვიდრე ნებისმიერმა დიპლომატიამ.

მას ყველაზე მეტად ესმის, რას ნიშნავს ომი, ნგრევა, უსახლკარობა, თუ რას ნიშნავს ბულინგი. მას ყველაზე უკეთ გამოუცდია, საკუთარ მაგალითზე, როგორ შეიძლება ტენდენციურად დაგიწუნონ, დაგცინონ, გაიძულონ ქვეყანა დატოვო და უცხოობაში საკუთარი მომავალი ეძიო.

დიახ, ის პრაკტიკულად ორგზის დევნილი აღმოჩნდა, რაც მასზე დადებითად იმოქმედა. რომ არა ის სარკაზმი და ცინიზმი, ის დღეს გერმანიაში ასეთი წონიანი ხელოვანი ვერ იქნებოდა.

სამწუხაროდ ისიც უნდა ითქვას, რომ არც ეს გახარებია ბევრს. დაახლოებითი წარმოდგენა რომ ქონოდათ, თუ რა რელაური აღმოჩნდებოდა კონკიას ზღაპარი, გამარჯვებულადაც კი გამოაცხადებდნენ ოღონდ მსოფლიოს "უპატრონო გოგონა" არ გაეცნო.
ნათია, შენ ხარ ჩემი საქართველო!"– წერს მამა პეტრე.