„რუსებს მთლიანად რომ დავეპყარით რას გააკეთებდნენ ? “ - ზაზა ბიბილაშვილი
ერთიანი ნაციონალური მოძრაობის წევრი, ზაზა ბიბილაშვილი სოციალურ ქსელში პოსტს ავრცელებს. მისი აზრით, 2008 წელს რუსეთს მთლიანად, რომ დავეპყარით ზუსტად იმას გააკეთებდა რასაც „ოცნება“ ბოლო 7 წლის განმავლობაში აკეთებს.
„ 2008-ში რუსებს მთლიანად რომ დავეპყარით, რას გააკეთებდნენ?
დამოუკიდებლობას ფორმალურად არ გაგვიუქმებდნენ. დასვამდნენ თავიანთ მთავრობას, რომელიც დაგმობდა წინამორბედს, როგორც უგუნურსა და ანტიეროვნულს; იტყოდა, რომ ყველა წარმატება, სინამდვილეში, ილუზორული იყო; განდევნიდა ან დაიჭერდა ქართული სახელმწიფოს / ჯარის / პოლიციის / იუსტიციის სახლების შემქმნელებს; უბედური შემთხვევების სერიაში დახოცავდა ჯარისკაცებსა და სპეცრაზმელებს, რომლებიც შიშის ზარს სცემდნენ ლეონის ორდენოსან მკვლელებს აფხაზეთში და იცავდნენ ჩვენ მოსახლეობას შიდა ქართლში; ყველა ნატვრას აუსრულებდა გაზპრომს; სტაბილურ წაგებაზე გაიყვანდა ოდესღაც სუპერმომგებიან სახელმწიფო საწარმოებს (როგორც შევარდნაძის დროს); გააბანძებდა და აბუჩად ასაგდებს გახდიდა სახელმწიფო ინსტიტუტებსა და უმაღლესი თანამდებობის პირებს; დაასაქმებდა უვიცებსა და უქნარებს, უვიცობისა და უქნარობის ნიშნით; კორუფციასა და ფუფუნებაში ჩაალპობდა მმართველ კლასს, რათა ეს უკანასკნელი ორგანულად ყოფილიყო დაინტერესებული ამ რეალობის შენარჩუნებით; კანონმორჩილ მოქალაქეებს კი მომავლის იმედს ჩაუკლავდა. ერთი სიტყვით, გააკეთებდა ზუსტად იმას, რასაც აკეთებს "ოცნება" ბოლო 7 წელია“, - წერს ზაზა ბიბილაშვილი.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე