"თალიბანად იქეცით?" - უჩა ნანუაშვილი „ქართულ ოცნებას“
რუსთაველის გამზირზე, საკანონმდებლო ორგანოსთან მიმდინარე მოვლენებს ყოფილი სახალხო დამცველი უჩა ნანუაშვილი გამოეხმაურა და მმართველ გუნდს კითხვით მიმართა.
„გაუფრთხილებლად დაუწყეს მხუთავი გაზების გამოყენება თავიდან იქ, სადაც პატარა ბავშვებიც იყვნენ. თალიბანად იქეცით? „ქართული ოცნება“, - წერს ნანუაშვილი სოციალურ ქსელში.
ინფორმაციისთვის, საკანონმდებლო ორგანოსთან ე.წ. აგენტების კანონპროექტის წინააღმდეგ აქცია მიმდინარეობს. საპროტესტო აქციაზე ვითარება არაერთხელ დაიძაბა აქციის მონაწილეებსა და სამართალდამცველებს შორის.
საკანონმდებლო ორგანოსთან და მის მიმდებარე ტერიტორიაზე განლაგებულია სპეციალური დანიშნულების რაზმები. აქციის მონაწილეების წინააღმდეგ ასევე გამოიყენეს წიწაკის სპრეი და წყლის ჭავლი.
პარლამენტთან ვითარება ამ დრომდე დაძაბულია.
პარლამენტმა დღეს ე.წ. აგენტების შესახებ კანონპროექტი პირველი მოსმენით მიიღო. სწორედ კანონპროექტის მიღების შემდეგ დაიწყო პარლამენტთან შეხლა-შემოხლა.
„მოღალატეებო“, მონებო“, „რუსებო“, „პუტინისტებო“ - ასე სკანდირებენ აქციის მონაწილეები პარლამენტთან.
სიახლეები
- "საქართველოს მთავრობის მეთაურთან ნათლად ვთქვი, რომ ეს კანონი შეცდომაა და არ უნდა იქნას მიღებული" - ოლაფ შოლცი
- "ვთავაზობ აქციებში მონაწილე ახალგაზრდებს, გამოყონ 10-მდე წარმომადგენელი, რომელთანაც გავმართავ საჯარო დისკუსიას" - პრემიერი
- "სალომე ზურაბიშვილი არის კონსტიტუციის პირველი დამრღვევი" - კახა კალაძე
- "დღეს, თბილისსა და სხვადასხვა კუთხეში ასობით ათასი მოქალაქის გამოსვლით, ფაქტობრივად, რეფერენდუმი შედგა" - შალვა პაპუაშვილი
- "დიდი მნიშვნელობა არ აქვს გაიწვევენ თუ არა ამ კანონს, რადგან მთელი სურათი შემაშფოთებელია" - პრეზიდენტი