Facebook "რასობრივი სამართლიანობისთვის" იბრძოლებს
Facebook-ის დამფუძნებელმა, მარკ ცუკერბერგმა განაცხადა, რომ იგი მზად არის შეიმუშაოს სპეციალური ზომები, რათა უზრუნველყოს „რასობრივი სამართლიანობა“ სოციალურ ქსელში.
ცუკერბერგი აფროამერიკელი ჯორჯ ფლოიდის გარდაცვალების საკითხს გამოეხმაურა. Facebook-ზე გამოქვეყნებულ განცხადებაში მან აღნიშნა, რომ სოციალურ ქსელში "ძალის გამოყენების მუქარის" შემცველი მასალის გამოქვეყნების პოლიტიკის საკითხსაც აუცილებლად გადახედავს.
”ჩვენ დავიწყეთ მუშაობა პროდუქცტის შექმნაზე, რასობრივი სამართლიანობის გასამყარებლად... ჩვენ ჯერ კიდევ შორს ვართ ამერიკასა და მთელ მსოფლიოში რასობრივი უსამართლობის გადალახვაში, და ჩვენ ყველას გვაქვს პასუხისმგებლობა და შესაძლებლობა შევცვალოთ ეს. მე მჯერა, რომ ჩვენი პლატფორმები დადებით როლს შეასრულებენ ამაში, მაგრამ ჩვენ უნდა ვიზრუნოთ იმისათვის, რომ ჩვენი როლი მაქსიმალურად პოზიტიური იყოს “, - ნათქვამია კომპანიის დამფუძნებლის განცხადებაში.
ცუკერბერგმა ასევე განაცხადა, რომ წაიშლება ისეთი შინაარსის პოსტები, რომელიც ამომრცეველთა მიმართ ფსიქოლოგიური ზეწოლისკენ არის მიმართული.
"ჩვენ ვაპირებთ გადავხედოთ ჩვენს პოლიტიკას, რომელიც ამომრცეველთა ჩართულობისა და ძალის გამოყენების სახელმწიფო საფრთხეებს განიხილავს", - წერს ცუკერბერგი.
მარკ ცუკერბერგი ბოლო რამდენიმე დღის განმავლობაში „Facebook-ის“ თანამშრომლების მხრიდან კრიტიკის ობიექტი გახდა. ამის მიზეზი ცუკერბერგის გადაწყვეტილება გახდა, როდესაც მან განაცხადა, რომ არ წაშლიდა აშშ-ის პრეზიდენტ დონალდ ტრამპის ჩანაწერს, რომელშიც ის ძალის გამოყენებით იმუქრებოდა.
სიახლეები
- ზოგადი განათლების საფეხურებში ცვლილება ხორციელდება, რომლის მიღების შედეგადაც, სავალდებულო საბაზო განათლება 9 კლასის ნაცვლად, 10 კლასით განისაზღვრება
- ქათამი თაფლითა და ფორთოხლით
- მთავრობის დადგენილებით, ოჯახის სიწმინდისა და მშობლების პატივისცემის დღესთან დაკავშირებით, 17 მაისი უქმე დღედ გამოცხადდა
- შარლ მიშელი სალომე ზურაბიშვილთან და ირაკლი კობახიძესთან სატელეფონო საუბრის შესახებ ინფორმაციას ავრცელებს
- " ჩვენ არ ვართ კოლონია, დამოუკიდებელი სუვერენული სახელმწიფო ვართ - ევროპაში თავაწეული დავდივარ, რატომ უნდა წამომარტყას ვიღაცამ?" - კახა კალაძე