„თურმე სისხლის ღვრა ყოფილა ევროკავშირის კანდიდატის სტატუსის ბილეთი,“- ასე ეხმაურება ევროკომისიის გადაწყვეტილებას საქართველოსათვის კანდიდატის სტატუსის მინიჭებაზე თავის შეკავებას ეკონომისტი ანდრია გვიდიანი. ამის განცხადების საფუძველს ანალიტიკოსს, ურსულა ფონ დერ ლაიენმა მიერ უკრაინასთან დაკავშირებული განცხადება აძლევს.
ევროკომისიის დასკვნას სოციალურ ქსელში ეხმაურება ტელეკომპანია "მთავარი" -ს დამფუძნებელი, ამჟამად პატიმრობაში მყოფი ნიკა გვარამია.
შეცდომაა: "ქართულმა ოცნებამ ცუდად იმუშავა."
სწორია: "ივანიშვილმა მიაღწია ზუსტად იმას, რაც სურდა", - ამის შესახებ სოციალურ ქსელში "ჭავჭავაძის ცენტრის" დამფუძნებელი ზაზა ბიბილაშვილი წერს.
უბრალოდ, ევროკავშირმა ცოტა დელიკატურად გვითხრა, რომ მეტი რეფორმა უნდა გავატაროთ, მეტი ხარისხი გვქონდეს დემოკრატიასა და სასამართლოში, მეტი კულტურა გვქონდეს ერთმანეთთან ურთიერთობაში, მეტად უნდა ითანამშრომლონ ჩვენმა პოლიტიკურმა სუბიექტებმა, მეტად უნდა ვიმოქმედოთ ევროპასთან დასაახლოებლად, - ამის შესახებ სოციალურ ქსელში ფოტოხელოვანი გოგა ჩანადირი წერს.
ბიძინა ივანიშვილისათვის საკუთარი ერთგულების დამტკიცებისა და კობახიძე-ღარიბაშვილის „ჩაშვების“ მცდელობად აფასებს პრეზიდენტ სალომე ზურაბიშვილის გუშინდელ გამოსვლას ანალიტიკოსი გია ნოდია. ნოდია მიიჩნევს, რომ სალომე ზურაბიშვილი იმ გზას დაადგა, რომელსაც „ოცნებიდან“ მისი წინამორბედი „დისიდენტები“ ადგებიან ხოლმე.
თუკი საკუთარ ეგოზე მაღლა დავდგებით, პირად სიყვარულ-სიძულვილს ცოტა ხანი გვერდზე გადავდებთ უცებ დავინახავთ რომ პრეზიდენტი სინამდვილეში დღეს ყველა გულწრფელად ევროპული ძალების სრულფასოვან მოკავშირედ იქცა, - ამის შესახებ სოციალურ ქსელშ თავდაცვის ყოფილი მინისტრი თინა ხიდაშელი წერს.
