ჩვენი მომავალი მხოლოდ ევროპული შეიძლება იყოს. დამოუკიდებლობის დღიდან, ავად თუ კარგად, შევძელით და უკეთესი ქვეყანა გავხდით, მაგრამ ასეთ გადამწყვეტ ეტაპზე, პრობლემები ძალით არ უნდა შევქმნათ, - ამის შესახებ სოციალურ ქსელში შოთა არველაძე წერს.
პარლამენტის ბოიკოტი არის უაზრო. პარლამენტში ყოფნა რომ სჯობია არყოფნას, ეს კიდევ ერთხელ აჩვენა გუშინდელმა დღემ, - ამის შესახებ სოციალურ ქსელში რომან გოცირიძე წერს.
მისი თქმით, კიდევ ერთხელო იმიტომ, რომ პარლამენტის ბოიკოტის პირობებში ვერც გავრილოვის გაძევება მოხდებოდა იქიდან.
"ამავე დროს, პარლამენტის ეფექტი არ არის მხოლოდ ხმაურიანი დღეები და სამშაბათობით პოლიტიკური განცხადებებით გამოსვლა. პარლამენტის მთავარი ძალა რუტინაშია, ყოველდღიურ მუშაობაში, რომელიც ვერ ისწავლა და ვერ გამოიყენა ვერცერთმა ოპოზიციამ.
გარეთ პროტესტი მაშინ ღვივდება, როცა შიგნით ცხელა. ეს დაადასტურა ქართული პოლიტიკური ცხოვრების ოცდაათწლიანმა ისტორიამ,"- წერს რომან გოცირიძე.
#ციტატა
მეგობრებო! ბოლშევიკურ დიქტატურამდე და რეპრესიების დაწყებამდე რჩება რამდენიმე კვირა, - ამის შესახებ სოციალურ ქსელში "ილია ჭავჭავაძის ცენტრის" დამფუძნებელი ზაზა ბიბილაშვილი წერს.
მხარს ვუჭერ პრეზიდენტ ზურაბიშვილის ბოლო დღეებში გაკეთებულ განცხადებებს და თავისუფლებისთვის ბრძოლისკენ მის მოწოდებას, – ამის შესახებ საქართველოს ყოფილი პრეზიდენტი, მიხეილ სააკაშვილის „ფეისბუქის“ გვერდზე წერს.
